Details

Latitude

25.234

Longitude

96.9165

Start Date

2017-04-15

End Date

2017-04-15

Transcription (La Ring) Kahtawng langai kaw myi nmu ai num langai hpe e kahtawng ting na ma hkahkyin nna rem shangun da da re da. Dai lam maumwi hkai na re ai da. Moi.. kahtawng langai mi kaw e yawng bungli galaw sha ai hkrai hkrai jahpawt hkawm wa yang gaw shana de she du wa wa re ai da. Dai ma dai ni gaw Kanu ni ba gaw ndang, woi hkawm ngu yang gaw nchyang re ma ni bungli gaw ngalaw ram shi re ma rai na hku nga. Dai kaji ai ni gaw Kanu Kawa ni ba mat wa sa, dai ba nga yang gaw ndang, woi hkawm nga yang gaw lam bai nhkawm chyang rai, shing rai ai majaw gaw dai kahtawng kaw shanhte myit yu ai da, "Humm.. wo ra myi n mu wa gaw shani shagu nta chyu chyu nga lau ban ban ai gaw wo ra wa hpe e ma rem na matu she anhte bungli jawm jaw gaw" ngu na kaja wa kahtawng ting na ma shara mi hkahkyin tawn nna "Ma ndai ni hpe yu yaw" ngu na tawn da ai da. Tawn da yang she ma dai ni gaw ginsup hkrai ginsup, ginsup hkrai ginsup e myi nmu ai ding gai jan e shanhte e nmu na, myi nmu ai re chye nna ma dai ni gaw wat kanang de kanang de galaw kam ai hte galaw, ginsup kam ai hte ginsup rai nna she hpang jahtum gaw shana de du wa re shaloi gaw, e.. ma dai ni kabai ai da. Masha ni n ta jahpung kabai bung e bang e, gawng e gang e nga. "E.. ma aw ra ni e, dai sha gaw hkum galaw mu, dai sha gaw hkum galaw mu, dai kaw lagat nga ai re lu, lagat kawa na lu hkum kabai mu lu" ngu tim nmadat, agawng e nga deng e nga langai mi kabai dat, langai mi kabai dat rai na jawm kabai nga ai ngu yang she lagat tsip wa kabai shamawng tawn, kabai shamawng tawn nna ma ni lagat kawa she kawa nna gyek she gyek hkrap she hkrap nna e dai myi nmu ai dinggai hpang de e jawm kagat yan wa mara ai she gumgai dai gaw hpa byin ai ngu yang she "Lagat kawa ai" ngu yang she shaloi she gumgai dai jan gaw "Ara ara ara deng nga sai ngu yang, gawng nga sai ngu yang ara ara ara" ngu na she ka hkrai ka taw nga ai da. Dai wo ma ni gaw lagat kawa na machyi rai yang she dai gumgai jan gaw dai hku ngu nna bai ka rai jang gaw ma ni mung lagat kawa na machyi gaw machyi dai gumgai jan e gaw jawm yu rai yang shana de Kanu Kawa ni jan du na bungli de na wa yu yang gaw kaja wa ma gaw rem gaw rem ai da raitim ma ni yawng e lagat kawa nna machyi shoi chyum nga la ai wa mu ma ai da. Dai gumgai jan e ma rem shangun n na kahtawng ting na ma ni lagat kawa katut sha nna jam jau hkrum ai da. Dai majaw myi nmu ai ni e roi sha ai majaw, shaga nmadat ai majaw katut sha ai rai nga ma dai ni gaw. Chye la sai le dai shani kaw na gaw chye mat sai le gumgai jan a ga madat mat ai da hpang e gaw ma dai ni.

Sources