Details

Latitude

25.234

Longitude

96.9165

Start Date

2017-04-15

End Date

2017-04-15

Transcription (La Ring) Jahpawt jau jau kasha ni hpe yup jasu su re gaida jan langai a lam. Moi shawng de da, kahtawng langai mi kaw dai gaida yan nu ni gaw grai matsan ai da. Grai matsan nna wa masha ni e karum mung kadai nkarum kadai mung jaw mung n jaw sha shan nu ni grai.. yak grai matsan nna dai majaw gaw Kanu gaw kasha ni hpe jau jau rawt na bungli bungli matsun na ngu nna she "Ma yan nau ni e, rawt sanu lo rawt sanu" kaja wa sha kasha ni mung grai madat ai da grai madat ai jau jau rawt n na she nta chyinghka ni hpaw wang chyinghka ni hpaw ai da. Wang chyinghka ni hpaw rai nna e myitsu myit gawp nna nga ai da. Shaloi gaw wo ra grai lu su ai grai lu su na grai rai dum ai nta ni gaw ning nga hku rai re nga. "Oh matsan nta ni pyi rawt sai" jahpawt shagu shanhte hkrai hkrai shawng rawt nna she "Hte.. matsan nta ni pyi rawt sai nanhte gaw ya mung n rawt ai i" ngu na she "Matsan nta ni pyi rawt sai" ngu ngu re majaw gaw dai masha lu su ai ni she wo ra ni "Matsan nta ni rawt sai, rawt sai" nga ga dai hte kaja wa rawt mat wa ai da. Matsan ai gaida jan a kasha ni yan nu ni wa bungli kyet ai hkrai hkrai grai lu su sahti nga mai wa ai da. Wo ra lu su ai ni rai yang gaw bai matsan mat wa, dai matsan ai yan nu ni gaw grai lu su mat wa ai gaw hpa majaw nga yang e dai "Rawt sai, matsan yan nu ni rawt sai, matsan yan nu ni rawt sai" nga ga de a majaw shan nu ni kaja wa rawt n na lu su nga mu nga mai wa ai re da. Dai majaw e.. wo ra lu su ai ni gaw manang ni e hpe n kawng ai le i n kawng n na jaw lu jaw sha mung n kam re majaw masha ni ga malai tsun ai "Sut su ai ngu na n kadap, matsan ai ngu n hkrap" ngu ai ga malai tsun ai da. Nhkrap nga ai sha le matsan ai yan nu ni mung nhkrap nga ai sha bungli tinang nan ra ai bungli ni galaw.. rai na masha ni kaja ai hku hkawm hkaw hkaw ya rai nna lu sut lu su nga mu nga mai wa ai da. Dai majaw yawng ma yawng ngai e "Lu su ai mung n mai kadap ai, matsan ai ngu na mung n mai hkrap ai" nga na dai hku ga malai dai hku tsun ma ai da.

Sources