Details

Latitude

25.234

Longitude

96.9165

Start Date

2017-04-14

End Date

2017-04-14

Transcription (La Ring) Ya bai tsun na maumwi gabaw gaw nga dawn ai dingla langai mi a maumwi re. Moi shawng de e da ndai dingla langai mi gaw shi nga chyu dawn nna nga ai da. Nga chyu dawn rai na nga ai da. Raitim mung shawng hkan e gaw wo hka la-ing langai mi kaw e nga dawn sa ai shaloi gaw shi gaw nga kaji da nga kaba da lu ai hte ma hkra hkra rai na la wa wa rai na dai hku na wa sha i dut ang ai hte dut rai na dai hku na kan bau ai dingla re da. Shi gaw shani shagu aten tup e nga hkwi nna e nga dawn nna sha nga ai re da. Dai la-ing kaw gaw dai hku hkrai hkwi dai hku hkrai hkwi rai nna nga taw nga ai da. Raitim mung hpang e gaw i dai la-ing kaw nre sha wo kaga la-ing langai mi de bai htawt nna shi bai nga dawn wa ai shaloi gaw da ndai lani mi hta gaw nga wa she shani tup nga dawn ai da. Shani tup nga dawn ai wa she e nga kaba mung nlu ai da dai shani gaw. Nga kachyi sha law ai langai mi sha lu ai da. Dan rai na shi gaw dai shani gaw grai myit htum mat ai da. Grai myit htum mat rai na she "Ya ngai e wa dut sha na mung nlawm sai, ngai sha na mung nlaw ngu na" dai hku sha wa lam e grai myit ru nna nga kaji dai langai sha lu ai hpe gun nna wa ai da. Dai gun wa re nga yang she nga kaji dai gaw shi hpe e tsun ai da. "E e dingla e ngai hpe e naw matsan dum ai hte e naw dat dat rit, naw dat dat rit ngai gaw ya naw kaji ai" ngu da. "Ngai kaba jang e bai sa dawn la rit" ngu na tsun ai da. Dai shaloi gaw ndai dingla gaw "E nang masu ai she re nang ngai dat dat jang e gaw hprawng mat na rai nga ndai" ngu na tsun ai da. Raitim mung nga kaji gaw "Nhprawng ai nmasu ai ya hpang de e ngai kaba jang e sa dawn la rit. Nang nkam yang gaw yu yu u ya hpang e sa dawn yu ngai nan nan nang kaw bai e nang bai dawn lu na ra ai ngai hpe nan dawn lu na ra ai" ngu na dai hku tsun ai da. Shing rai na she ndai dingla gaw nga kaji a ga kam nna shi gaw dai hka la-ing kaw bai sa dat bang kau re da. Shing rai na shi gaw kaman bai wa mat rai. Kaja wa nan hpang e grai na jang e she "Nga dai nkaba shi na re" ngu na shi gaw grai na jang e she nga bai sa dawn ai hku nga. "Ya gaw kaba sai kun" ngu na bai sa dawn ai shaloi gaw kaja wa dai shani gaw nga kaba bai lu ai da. Nga kaba langai mi bai lu rai jang gaw shi gaw "Ga teng nga ai ma ni na nga kaji wa tsun ai shi kaba jang sa dawn la rit nga gaw teng nga ai" ngu na shi gaw grai kabu na nta de wa mat re da dai shani gaw. Shing rai na she hpang e mung shi gaw bai sa dawn ai da. Bai sa dawn rai yang she nga kaji bai lu. Nga kaji lu jang e "E ya ngai ndai mung kaba jang e bai sa dawn la na" ngu na e dai hku na bai dat bang da rai rai re da. Nga kaba lu jang gaw la wa nga kaji lu jang gaw dat bang da re da. Dai majaw dai kaw na gaw ndai nga kaji ni wa shawng na nga kaji hpyi nyem tawngban da ai marang e hpang hkan na nga kaji ni mung dai hku na shanhte na asak lawt lu ai da. Kaja wa nga yang gaw hpang e lu ai nga kaba ni gaw kaga nga kaba ni she re da. Raitim mung ndai nga kaji a marang e hpang na nga kaji ni ma asak lawt lu ai nga na hkai ma ai.

Sources