Details

Latitude

25.234

Longitude

96.9165

Start Date

2017-04-14

End Date

2017-04-14

Transcription (Htu Bu) Ya ngai hkai dan na gaw Mayan mare Bau Dum bum a maumwi kadun re. Moi, Wa Wang du ni hte Nlam kasha nga ma ai da. Wa Wang du ni hte Nlam ni ngu nga ma ai da. Re gaw Wa Wang ni gaw du magam rai nna, Nlam ni gaw matsan masha re ai da. Rai yang gaw Wa Wang kasha num sha, shayi sha grai tsawm ai du magam kasha hte, Nlam kasha jahkrai darat daroi kasha, ra hkat ai. Rai yang e, "Matsan ai kaw n mai wa ai. Nang gaw du kasha she re. Hkawhkam kasha she re. Dai, Nlam ni matsan mayen kaw n mai wa ai." ngu na, kahpu kawa ni kade jahka tim n hka hkraw ai majaw, kahpu kawa ni gaw du magam sari n kam hpoi nna, dai num yan la hpe e nhkun kaba htu na, nhkun langai mi kaw hkrai azat bang kau na, bau masum hte kabung dum nna dai bau dai kaw bau masum ting gaw kabai bang kau ai re ai da. Dai re nga yang e, anhte Jinghpaw nat jaw ni gaw dai shata ram ai ten hta e, Bau Dum bum de e dai bau masum ngoi wa wa re hpe e, daini du hkra maumwi hta e, labau hta e "Bau Dum bum" ngu na shamying kau ai re ai da.

Sources