Details

Latitude

25.234

Longitude

96.9165

Start Date

2017-04-14

End Date

2017-04-14

Transcription (Htu Bu) Moi In-daw nawng hpe e de ai gaw, anhte Jinghpaw wunpawng Hku Nawng Zau Ra ngu ai de da ai re da. Ndai In-daw nawng kaw na baren kasha hte Hku Nawng Zau Ra ngu ai Jinghpaw kasha gaw, Ji jaw nat jaw prat hta e, hkrak tsun ga nga yang gaw nat prat re hku rai nga, nat re ai hku rai nga, rau lung ai da. Shaloi she baren kasha nta de wa Jinghpaw Hku Nawng Zau Ra nta de wa rai na dinghtan ai "Hkau e, htaw ra gawk de hkum mada yaw." ngu mada dat ai shaloi e, Kwi lunghkrug lung na zawn re, dung taw nga ai, dinggai yan dingla, baren dinggai yan dingla dung taw nga ai mu ai da. Rai jang gaw, "Oh ra de hkum mada ngu, hkau nang mada sam ai law. Htaw, ya jum yan ji hkum n pyaw mat sai." ngu ai da. Shaloi baren kasha gaw dan ngu she, Hku Nawng Zau Ra gaw, "E, ngai shingma mahkyit ai ngu, kaya ai ngu na du kayin dat ai nga yang yu ai she re law. Da dang yu ai n re law." ngu na masu tsun kau ai da. Dai shaloi, "Dang, hkau nang hpe mara raw ya sai yaw." ngu na mara raw ya na, Shan grai jawng lung, nga mat wa ai shaloi she, dai baren kasha gaw ahkang hpyi ai da, kawa hpe, mare de na ngu hpyi ai shaloi, kawa n hkraw ai. "Nang mare lu de jang gaw ngai kawa htinggrum n hpaw na." ngu na "Yup taw sana." ngu na tsun ai da. Shaloi she, Dai baren kasha gaw, kawa kaw ahkang hpyi ai n jaw tim mung shi mare de mat wa ai. Mare de mat ai shaloi e, di hkrai di ayai, di hkrai di ayai mat wa yang le, di hkrai di ayai mat wa yang dai In-daw pa, Nawng Lut pa na ni gaw dai, baren di hta shadu sha hkrup. Yawng nawng lut lut mat. Kahtawng shagu ting nawng lut lut mat. Rai na dinggai yan, jahkrai ma yan woi dwi gaw hprawng hkrai hprawng mat wa na, n lu hprawng mat na, sumdoi hpe jun da ai. Dai kaw na gaw hkinggau n gyi mat na, ya In-daw pa, In-daw nawng kaw e, kawa nhtang tu ai nga ai. E, dai gaw ya, In-daw nawng hpe e, anhte Jinghpaw, Hku Nawng Zau Ra ngu ai de da ai Hpara gaw, "E, hkau e, nang mare de na, de da sai majaw, na mare kaw ngai jawng langai galaw na." ngu na Hku Nawng Zau Ra wa hpyi ai shaloi, "Mai ai." ngu na e, In-daw nawng kaw e Hpara de shangun ai da. Rai yang gaw ya nga nga Hpara gaw Jinghpaw kasha Hku Nawng Zau Ra ngu de da Hpara re nga na Jinghpaw nkau mi daihku hkai taw ma ai. Shawng de gaw ndai In-daw nawng Hpara poi galaw nga rai jang, (Hti Tin) na rai jang she, dai kaw hpa baw ngu na kun n chye ai, (Hti Tin) ai ngu gaw dai shaloi e, Hku Nawng ni hpe n tsun yang Mu achye kau ai da, chyawm tari kaw e. Rai yang gaw ndai Hku Nawng Zau Ra gaw ya daini Nat tai mat sam sai. Moi she re gaw, maumwi she re gaw, re gaw, ya gaw dai Hpara poi galaw shagu Hku Nawng ni lawm ra ai da. Hku Nawng ni hpe n lawm ai dai poi n mai galaw ai da. Galoi mung poi hten ai da. Rai yang gaw ndai, In-daw nawng ka-ang kaw na Hpara gaw, htaw ra, (Ba le) Myen ni a Hpara n re, Jinghpaw ni de ai Hpara re nga na nkau mi dai hku hkai ai, hpe tsun ai hku rai sai.

Sources