Details

Latitude

25.234

Longitude

96.9165

Start Date

2017-04-14

End Date

2017-04-14

Transcription (Htu Bu) "Gumhpraw Hti Mi Hte Gawk Ting Lu Jahpring Ai" Moi shawng de da, dingla, shingkra yan wa da. Dai wa gaw ma Gam, ma Naw, ma La nga ai da. Dai yan nau ni gaw grai, yawng hkra gaw grai atsam rawng ai da. Dai wa, ndai, kawa wa she kadai hpe mung sut gan n gwi ap. Kadai hpe mung, gara wa mi grau hkrak ai zawn zawn re. Kasha ni gaw yawng hkra kyet ai rai na she, kadai hpe mung, n gwi jaw da. Langai mi hpe jaw yang langai mi pawt na tsang, "Ngai pyi dai ram magrau grang tim ngai hpe n jaw ai." nga na she, kasha ni dai hku ni tsun na tsang na she, tsun ai da, kasha ni hpe she, "Ma, nan nau ni, nan nau ni hpe, marai langai mi hpe hti hti, hti hti jaw na. Ndai gumhpraw ndai hpai na nan nau ni ndai gawk ting lu jahpring ai wa hpe gaw, a wa ndai sut gan ap na." ngu tsun ai da. "Ndai sut gan ap na." ngu tsun ai da. Dai shaloi ndai, shannau ni masum gaw hkawm mat sai da lu. Lam numshe langai mi kaw du. Numshe masum brang re da. Kanau wa, ma La wa mung kaga de, ma Gam wa mung kaga, ma Naw wa mung kaga dai hku rai yawng hka mat sai shaloi, ndai ma Gam wa sa ai gaw, gat ang na hku nga. Gat ang re she, Shi gaw, aw gat n ang ai da law, ma Gam wa sa ai dai gaw hkauna ang ai da. Hkauna ang ai shaloi she, Yihku da, masha ni Mam dup ngut ai Yihku nga ai da. Mari mung n mari ai da, dai Yihku dai sumpum mi hpai wa ai da. Hpai wa na, gawk ting wa nyep ai da, raitim gawk dai n hpring ai da. Dai Yihku dai wa nyep tim n hpring rai she, dan na she shi, dai hku na wa nyep na she shi mung nga mat sai da. Dai she, tim ma Naw wa gaw bai sa. Ma Naw wa maling maga ang ai da. Maling wa, dai shi na Gumhpraw hti mi dai gaw n jai na she, maling kaw na namlap lahpra ni sumpum mi magawn wa ai da. Magawn wa na she, gawk ting hpe wa nyep yu tim dai gawk dai gaw n hpring taw ai da. Dai majaw, ma Naw wa mung dai hku sha nga mat ai da. Dai ma La wa bai hkawm ai shara de gaw gat nga ai da. Dai gat kaw mi she, (Hpayawngtai) langai mi dut taw ai da. Wan shadaw le i, dai hku dut taw ai da. Wan shadaw, aw n re law, wan kawk le i, moi na nga yang, wan gawk dut ai da. Dai she, Shi dai la wa na, la wa na she, nta kaw wa, sau ni bang na she, ndai ri ni rit la na she, ndai kaw wan gawk galaw na she, wan shachyi dat ai shaloi she, gawk ting htoi mat ai da. Dai majaw, gawk ting lu hpring mat ai, dai majaw, kawa gaw ndai sut gan gaw ma La hpe she ap kau ai da.

Sources