Details

Latitude

25.234

Longitude

96.9165

Start Date

2017-04-13

End Date

2017-04-13

Transcription (Htu Bu) Ya ngai hkai na maumwi gaw, moi shawng de Jinghpaw num hte Jinghpaw la sumtsaw sumra byin na mare shingnawm kaw e, shat kada shat lit hte rai na, shan sa jahkrum hkat ai maumwi re. Moi shawng de da, num langai hte la langai da, ra hkat ai da. Dai yan la gaw da, mare shingnawm de dai hku num jan gaw shat kada ni da tsa dunghkru ni gun rai na mare shingnawm de sa na shat dunghkru tsa shingnoi ni hpe hpun langai kaw sa shanat tawn da ai da. Shan lahkawng gaw dai kaw sa hkrum nna she, Nga tai na she madu wa hte madu jan gaw "Ngawt, ngawt." ngu na dai hku ngawt hkat nga ai da. Dai shaloi she, shan garai n sa yang jahkrai ma langai gaw, shat kaw si na, htaw hpun langai mi tu ai hpun ndung kaw dung taw nga ai da. Dung taw nga yang gaw madu wa gaw n chye na, dai hku shanyeng hkat a ngat nga yang she, htaw ra ma wa gaw, n dang sharang na shan hpe yu na n dang sharang na manyi dat ai da. Manyi dat ai shaloi she, dai madu jan gaw, madu wa gaw "Ngawt, ngawt." nga na shi hpe ning nga na sa a rut ai shaloi she, "Ngawt! wa ngu yu le, htaw lamu, htaw ra de wa yu dat u." ngu na she dai hku tsun na hprawng mat wa ai da. Dai shaloi she, dai shan gun sa ai, shat kada shat lit ni gaw tsa dunghkru ni gaw dai shanat tawn ai hpun ndung kaw nga ai ma wa yu wa na, a gying wa sha kau nna hkru mat ai da.

Sources