Details

Latitude

25.234

Longitude

96.9165

Start Date

2017-04-12

End Date

2017-04-12

Transcription (Htu Bu) Anhte masha amyu ni, hpa baw lu sha nna nga timung, ngai wa timung, ndai shakawn sha ai, htingbu htingpyen ni hte rau sha jawm shakawn nna sha ai, alai ni n lang ai da. Raitim mung lani mi na n'htoi hta ndai, U amyu ni, Nbyen Ti U hte ndai N'nyeng Nye U shanhte ndai U hpan lahkawng gaw, shanhte ndai namsi namsaw ngai taw nga ai dai kaw gaw shanhte shada shaga la hkat nna she, ndai Nbyen Ti mung ti nna, chyeju shakawn nna sha ai. Rai nna, N'nyeng Nye ma shanhte gaw grai.. nsen grai pyaw hkra nyek nna, sha ai hpe Shinggyim masha sa mu ai da. Dai kaw na gaw shanhte mung, ndai Shinggyim masha ni mung, Ga.. ya, singkaw tu ai U amyu ni pyi gaw, shanhte namsi namsaw sha na rai jang chyeju shakawn ai. Makyin jinghku, Nbyen Ti, N'nyeng Nye ni gaw shanhte U amyu kaga ga rai nga ai. Raitim mung shanhte shaga hkat nna dai hku, shaga kahkyin nna daihku chyeju shakawn ai, ti nna, nyek nna, sha ai hpe shanhte gaw mu lu ai da. Dai kaw na gaw Shinggyim masha ni mung, ndai, ga shadawn, Kumgyin si ngai wa jang, Hkainu ngai wa jang, ndai n'loi mangai ngai wa jang, tinang a ni nawn ai makyin jinghku shaga la nna sha ma ai da. Dai a hkunghkring lailen hpe yu nna daini ndai anhte, moi nat jaw prat, ya ndai Christan prat raitim mung, daini dai, ndai ginru ginsa, ndai maumwi mausa, shi na ndai, dai len hpe yu nna daini gaw Karai Kasang a chyeju hpe shakawn nna, nlung nna sha ai ni, dai hku chyeju shakawn ai ngu ai, ga shadawn, lungseng awng wa yang mung e, chyeju chye shakawn ai. Ja gumhpraw law law lu wa yang mung, chyeju shakawn ai, dai hku re... nga nna, nga na daini du hkra salang ni hkai nga ma ai re.

Sources