Details

Latitude

25.234

Longitude

96.9165

Start Date

2017-04-12

End Date

2017-04-12

Transcription (Htu Bu) Moi la langai mi aprat asak ram wa na, num la na nga ai da. Shaloi shan lahkawng gaw Ma langai mi lu ai. Dai Ma gaw shayi sha re da. Rai yang dai shayi sha lahkawng masum ning sha naw rai yang, kanu si mat ai da. Shaloi shan wa gaw, dai hku shan wa chyu nga n mai ai re majaw, num langai mi bai la ai da. Dai num gaw Ma langai mi bai lu. Shaloi gaw, Dai shawng na num, num jan a kasha num sha hpe Ma woi shangun ngun, dai hku di ai da. Rai na ndai shingkra la wa gaw ndai shan hkwi, hkwi lu hkwi sha dai zawn rai na nam hkan mahkam hkam, dan rai na galaw ai da. Shaloi ndai U Ri, U Gam ni lu, rai na dai hku la wa jang gaw, madu jan e shadu rai na, shadu ai shaloi dai shi kana shawng shangai da ai num sha hpe gaw, ma woi jan hpe gaw, Sani si azat shadu ya, rai shan lahkawng gaw dai U Gam shan ni shadu sha, dai hku la re da. Dai, Ma hpe gaw U Gam shan re ngu nga, dai hku jaw sha nga. Shaloi dai Ma gaw, U Gam shan gaw ndai ram hkri baw she re nga Ma she n matsing na i. Re gaw ya ndai shi kanau hkrap wa ai shaloi, "Nye," ndai shi shayu ai gaw, "Nye kanau e, Hkawn tsawm e, hkum hkrap law." ngu da. Nang, shanhte na mare makau hkan she n rai i. U Gam, "Sha gaw. Sha gaw." ngu ngoi ai da. Shaloi she ndai "Sha gaw." ngu ngoi ai gaw U Gam re dai Ma gaw matsing ai hku rai reng ai gaw. Shaloi, "Nye kanau e, hkum hkrap law. Hkum hkrap law. Nang shingnawm de, U Gam chyahkri, U Gam chyahkri shan ngoi reng ai." ngu na shi kanau hpe shayu ai da. Dai gaw tsun ga nga yang gaw, ndai shi kanu dim, hpang num myit n san seng ai hku nna, tsun ma ai dai majaw ya masha nkau mi tsun ai, Sani si hpe she U Gam shan nga tsun ai gaw dai maumwi na yu ai ni tsun ai hku rai nga. Dai majaw kadai mung ndai, masha gaw myit n san seng jang gaw n kaja ai ndai labau maumwi tai wa ai. Dai majaw anhte kadai rai timung jaw ai kaw jaw ai hku nan galaw ra ai. Karai Kasang hpe mung hkrit ra ai. Ndai anhte Jinghpaw ni, hkai, hkai hkrat wa ai maumwi ndai gaw hkrak kadun timung ndai grai matsing la mai ai, myit san seng ra ai lachyum rai nga ai re.

Sources