Details

Latitude

25.234

Longitude

96.9165

Start Date

2017-04-12

End Date

2017-04-12

Transcription (Htu Bu) Ya ngai tsun na maumwi gaw, Nambya na maumwi rai nga ai. Lani mi hta Nambya gaw mare langai de du ai shaloi, shat kan si na nta langai kaw shang hpyi na ngu, shang mat ai da. Dai nta kaw ma shat n lu sha na, Dai nta ma shat n lu sha ai, n lu sha taw ai re nga yang, nta kaw nta kaw masha shang wa ai mu ai hte dai nta kaw na ni ma "Anhte shat n mu sha ai pyi lani mi jan mat sai. Nang kaw gumhpraw lawm wa yang anhte hpe ma chyi mi hkoi da ya rit. Anhte bai lu wa yang bai n malap ai sha bai, jaw na." ngu dai Nambya hpe bai, karum hpyi ai da. Nambya gaw shat sha na, shat hpyi sha na matu shat hpyi sha na matu lam mat mat ai majaw, ga pyi tsun n le mat ai da. Gara hku ma n chye di ai hku nga. Nambya ma sumtsan hkawm wa na gumhpraw ma yawng, jai ma mat sai. Hkyep mi pyi n nga sai. Dai majaw shanhte gaw, shanhte gaw maren sha re ai hku nga. Maren sha re, jam jau taw nga. Nambya shat shang hpyi ai dai nta kaw ma, ndai masha kaba, dai hku, mare masha kaba, mare kaw na masha kaba mung du ai hte jaw sha na shanhte sha na pyi n nga ai da. Ngut na dai lapran kaw she nta kaw nga manga n'gu ni yawng mare masha kaba wa la mat ai hku nga. Tum mi, tum hkawng pyi n ngam da ya ai da. Dai mare, dai masha kaba gaw dai mare kaw na n re ai da. maning shaloi kaga mare kaw na shaga wa ai re hku nga. Lani mi hta dai shanhte na dai nta na Ma ni hte dai mare masha kaba na ma hte rau kasup ai shaloi, masha kaba na ma gaw myi tum langai baw mat ai hku nga. Dai matsan ai nta na ma ni shabaw kau ya ai ngu tsun ai da. Dai majaw mare masha kaba wa she, shawa sha na ngu tsun wa ai hku nga. Nambya wa grai pawt mat ai da. Ngut na, "Ngai, ngai lajang dat na. Ndai shanhte akyang n kaja ai ngai ma atsam madun na." ngu, dai hku tsun ai hku nga. Dai majaw Nambya gaw dai nta na dingla langai hpe , machyi masu su shangun na, lauban na, rai ni htaw wa ai Gumra sa ai lam hta sa shangun dat ai. Dai kaw shi tsawmra tsan ai shara kaw na, yu taw ai hku nga. Loi mi na ai aten hta dai lauban na Gumra ni gaw, rai ni htaw na sa wa ai hku nga. Dai kaw she, Nambya wa gaw tsun ai hku, Nambya tsun da ai hku dingla wa gaw, hpun lapran kaw na le wa na shanhte na panyep hpe kabai jahkrat ai. Dai ngut na shingna lahkawng hpe bai taleng jahkrat dat ai da. Rai htaw wa ai Gumra ni ma kajawng na yawng hprawng mat ai hku nga. Dai shaloi Nambya wa gaw makoi taw ai kaw na le wa na she, "A wa, hpe byin ai rai? Gumra ni kabye mat ai i?" ngu na san ai, san dat ai hku nga. Dingla wa gaw myit kaw na dai hku gaw n kam galaw tim lauban wa shangun ai hpe grai (ning), grai yu kaji na, grai yu kaji ai majaw Nambya tsun ai hku, dai Gumra ni kaw na, dai Gumra ni kaw na si masu su mat ai hku nga. Nambya wa dai shaloi she pru wa, "Nanhte na Gumra ni nye wa hpe, kabye kau sai. Shi si yang gara hku di na rai?" ngu tsun na, "Lawan sa wa rit." ngu tsun dat ai. Gumra gau ai ni ma, "Na wa hpa na lam lam makau kaw yup taw ai ma?" ngu san ai da. "Nta kaw sha na n nga ai majaw, an wa lahkawng, tam sha taw nga ai. Ndai kaw du ai ten, kan machyi ai n hkam di na, ngai nam kaw tsi chyahkring sa tam taw ai. Gara hku rai, A wa na i? Nanhte n shawa ya yang, masha, masha kaba hte sa tsun dan na." ngu tsun dat ai da. Gumra gau ai ni ma gara hku mi n chye di ai, Gumra masum hpe gau na, n'gu mara da ai Gumra masum hpe gau na sa sa da, da ai da. Dai hku masu na lu ai majaw, ya nta kaw n mai nga mat sai da. Dingla hpe ma htawt shangun dat ai, Nambya tsun ai hku hpa n chye dai shaloi gaw mare kaw na hprawng mat ai hku da.

Sources