Details

Latitude

25.234

Longitude

96.9165

Start Date

2017-04-12

End Date

2017-04-12

Transcription (Lu Hkawng) Moi shawng de Taukawk hte Lapawp a lam re. Shan lahkawng gaw dai hku nam hkan nga re na she shan lahkawng gaw shada hkau hkat ai da. Rai jang dai Lapawp hpe gaw ndai Taukawk rai jang gaw hkum grai kaba ai nang gaw grai kaji ai re ai gaw da, grai kaji tim ngai hpe gaw hkum yu kaji da, ngai ma ngai na ngai ram kaji ai rai tim ngai na ram atsam rawng ai'' ngu tsun ai da. Dai yang she ''Gai deng dai ram byin dum yang gaw Taukawk e lagat shingjawng ga'' ngu tsun ai da. Lagat shingjawng ga ngu tsun ai da. Rai jang gaw ''E nang mung hkum de hkawm hte hkawm ai ngai mung hkum hte hkawm ai nang ma rung tu ai, ngai ma rung tu ai maren sha re ngu'' tsun ai da. Dai yang she shan lahkawng gaw ndai hpun kaw lung shingjawng ai da. Taukawk shawng lung ai da. Lung yang she shi gaw lung yang she daw mi rai jang gaw bai hkrat mat daw mi rai jang gaw bai hkrat mat dai hku byin ai da. Rai jang she gau ngwi gau ngwi lung mat wa ai da. Lung mat wa she dai hku lu lung ai da. Rai jang she ''E nang mung nang lu lung ai kaw na, ngai mung ngai lu lung ai kaw na, nang ma lu lung ai kaw na kadai shawng bai lagat yu yu ngu'' tsun ai da. Dai she ''E mai ai'' ngu ai da, langai lahkawng masum ngu na she kalang ta hkrat mat wa ai da. Dai kaw rai jang gaw hkawm yak taw ai da. Dai majaw ndai lapawp dang mat ai da. Dai majaw ndai Taukawk gaw sum mat ai da, dai majaw Taukawk na myit masin zawn n mai rawng ai da.

Sources