Details

Latitude

25.234

Longitude

96.9165

Start Date

2017-04-12

End Date

2017-04-12

Transcription (Lu Hkawng) Ya ngai hkai na maumwi gaw Kanu nyet kau ai num a lam re. Moi shawng de da, num langai mi dinghku de wa ai shaloi kashu kasha law law lu ai da raitim mung num kasha gaw langai lu ai da, la ni gaw law law lu ai da. Rai yang gaw shi gaw kasha hte kasha,kasha lu sai nga na kashu ni hpe ma mu mayu ka hkri hpe ma mu mayu kasha hpe ma shaning na na nmu ai majaw marit nna kasha hpang sa wa ai da. Dama ni ka hkri ni kashu ni kasha hpang sa wa ai da. Dai shaloi gaw Kanu gaw dinggai wa na matsan shanhte dai dama ni gaw loi mi gaw lu su re da. Raitim mung kanu gaw lusu ai majaw sa wa ai nre marit nna mu mayu nna sa wa ai da. Dinggai yang gaw matsan shayen raiti kasha hpang sa wa ai da. Dai shaloi gaw mare na manang ni shawng mu ai da. Shawng mu nna "E ning na nu sa wa ai law" ngu yang " aw' nga dan na kasha hpang bai du wa re "Nye nu nre ai ai dai maw nye nu hkum rai la" na nu sa wa ai ngu tim shi kanu hpe mu jang " I dai nye nu hkum rai le, nye nu nre ai gaw nye nu ding nsan law nye nu nre" ngu ai da. Kanu shi hpe shangai ai kanu nan raitim kanu hpe dai hku na yu kaji nna nyet kau ai da. Kasha gaw kanu hpe nyet kau ai da. Dai majaw kasha,kasha gaw kanu hpe nta kata de nta kata de nshawn,nhku de nshawn la ai da, nwoi,nwoi nga ai da. Lakang pawt gyepdin ni raw tawn ai lakang pawt kaw sha kanu hpe "Hkum shang hkum shang dai kaw nga u dai kaw nga u" ngu na she kanu gaw dai kaw nga taw ai da. Dai shaloi gaw kasha gaw kanu hpe shat jaw ai gaw gwi hpe jaw ai zawn di na ban hta bang nna dai lakang pawt kaw tawn ya ai da. Kanu hpe dai hku galaw ai da. Rai yang gaw kanu gaw "Tinang kasha she re ai wa daini ngai matsan mayen ning re dinggai yang marit ti sa yang,she sa yang wa kanu she ngai kanu shangai da ai she re wa a " ngu na kanu gaw grai pawt ai hte e " Rai sai daini nang nye kasha nrai yang gaw rai sai ngai ndai chyu shachyu na kaba ai re" ngu na chyu,chyu hpe e ka hpret rai na kasha hpe e matsa kau da na wa mat wa sai da. Shi nga ai nta de wa mat wa sai da. Dai shaloi gaw dai num jan gaw kanu a yubak kanu ai ngarai,kanu a ding-nye lu nna shan, shi ma si mat ai da. Shi kasha ni ma kanu matsa ai majaw shi hpe matsa a ngu yang kasha ni ma lawm mat nkau mi lawm mat na dan rai na si mat wa ai da. Kanu wa ai hpang gaw si wa,si wa rai yang gaw ka hkri wa gaw kani matsa nna shi madu jan ni si kasha ni si re hpe chye rai na kani hpe bai sa na woi la rai na kahkri gaw kani hpe bau maka rai na kani hpe chyeju la kani hpe bau maka atsawm sha di na bau ra nrawng hkra di na kani hpe dai hku chyeju galaw nna bau maka nna kani gaw dai kahkri ni a dum nta kaw si mat sai da. Si mat ai shaloi ma apyaw alaw ra nrawng dai hku na moi mang hpe makoi kau ai da. Dai hpang gaw shaman chyeju bai kani a shaman chyeju kahkri,kahkri gaw kani hpe gawn ai majaw chyeju lu nna chyeju hpring nna wunli lu wa,wundan tu wa nna shaman chyeju hpring nna kahkri yan kasha ngam nga ai ni gaw kalang mi ningdaw nna grai lu grai bai lu lusu nna dai kasha ngam ai ni mung mayat maya rai nna dinghku kaba bai gaw de nna nga wa ma ai da. Dai majaw anhte kasha ngu ai ni gaw kanu kawa gaw kaning sha san ai raitim mung nmai nyet ai, ma a nkau mi ma a kaw mung kasha shangai ai raitim kasha ni gaw grai zet ai gara hku ma rai rai kaning ma san ai rai rai anhte wunpawng amyu masha ni gaw myen sam miwa ni she gara hku rai kun anhte ni gaw kanu kawa hpe gaw nmai nyet ai kaning sha san tim " Nu e" ngu kanu mala shala matsan shayen raitim mung kanu hpe " Nu e" ngu akaw alaw "Wa e"ngu na akaw alaw di na kanu kawa ngu ai kaw gaw matan shaman chyeju la ra ai dai majaw anhte kadai raitim mung kanuj hpe nmai nyet ai kawa hpe nmai nyet ai kanu shangai dat ai kawa a sai re majaw kanu hpe nmai nyet ai kanu kaw kawa kaw matan shaman chyeju wunli la ra nga ga ai law anhte kadai mung kanu n mai nyet dai da.

Sources