Details

Latitude

25.234

Longitude

96.9165

Start Date

2017-04-12

End Date

2017-04-12

Transcription (Lu Hkawng) Ya ngai hkai na maumwi gaw moi shawng de masha num shan nu nga ai da. Shan nu lahkawng sha nga na kanu gaw yi ni hkyen rai na, yi ni hkyen ngut rai na wan ni nat rai na yi de hkai nmai ni mam ni yawng ting kau da kahkum kumgyin ni yawng hkai kau rai na nta kaw bai wa machyi taw nga ai da. Grai machyi taw nga yang gaw kanu gaw hpang e gaw machyi bran wa ai hte shi kasha hpe "Ma e ya gaw yi de na kahkum kumgyin ni mung si wa na sai nsi ai i' ngu yang san yang mung "Nsi ai" ngu na tsun ai da. "Mam ni nmin wa i" ngu yang mung "N min ai" ngu na dai hku tsun ai da. Rai jang kanu gaw kam na hku rai nga ai kam yang gaw aw shi ma nhtoi bai (toit) yu rai jang gaw moi gaw anhte moi na ni gaw shata man jahku nga jang gaw nloi ni gaw u gawn na mam mu shata hpe dum nna shigaw lani mi machyi bran wa na shi yi de sa yu sai da. Yi de sa yu yang gaw yi kaw machya ngu ai u gawn machya mung chya da rai na mam ni mung min wa wa hpu ni mung dun tawn da rai yi kaw mung kahkum kumgyin ni mung grai si ai da. Rai jang gaw "Aw ma ndai gaw ngai kanu hpe e matsan nchye dum ai,ngai kanu ndai daram ba nna galaw da ai yi kaw na hkai nmai nai mam ni ndai ram she rai wa yang ngai kanu machyi nna wa rawng mat dai san yang nmin ai law,nsi ai law nga na masu ai ma ndai gaw ngai kanu hpe e matsan nchye dum ai" ngu nna shi gaw kasha hpe yawn na she e lani mi na nhtoi hta gaw shi yi de sa yang she dai nloi machya ngu ai dai ntsa kaw tsap nna she "Kaw-yeng" ngu na she goi ngu gaw ya gaw kawyeng nga na dai kade nna yang nang shaga ga re law kawyeng nga na atik anang bumga gaw na she kalang na shaga ndai hkan ma shaga gaw shaga raitim anhte bumga na zawn nga na nsen grai kalang na gaw nshaga ai dai num dai gaw lani mi na nhtoi hta yawn nna sa yu yang dai zawn re min mat ai majaw kasha hpe yawn ai majaw "Aw nye kasha ngai hpe ndai daram masu sha ai wa" ngu na she goi ngu lata e kawyeng ngu nna pyen mat wa yang gaw ya gaw dai kawyeng ngu ai wa gaw da dai num dinggai na numla re ai da.

Sources