Details

Latitude

25.234

Longitude

96.9165

Start Date

2017-04-12

End Date

2017-04-12

Transcription (by Lu Hkawng) Ya ngai hkai na gabaw gaw woi kasha na ka hkrang re. Moi shawng ye da. Kahtawng langai mi kaw na nam zinlawng nam sim-up kata kaw she woi kasha ma nga ai da. Woi kasha dai gaw da. Grai chye ka ai da. Woi ka grai chye ka ai da. Tsawm ma grai tsawm ai da. Woi kasha dai wa she nga re she, lani mi na aten hta gaw da. Dai shanhte na mare nam na makau kawshe mare masha ni she bau ni tingse ni sumpi ni dum nna grai pyaw hkra ka dan ai da. Grai pyaw hkra ka nga ai hpe shi mu kau ai da. Shi mu nna she, mu kau shi mu ai majaw she shi gaw um.. ning hku ngu.. i da.. ngai ma masha ni na zawn grai ka mayu ai le da. Ngai gara hku re na sa na kun da. Masha ni mung grai tsawm re she ka ma ai da. Ngai mung grai ka mayu ai law ngu dai hku na myit ai da. Shi myit hta dai hku ngu myit nna she nga taw ai da. Nga taw re she lani mi na aten hta gaw shi dai hku na sa re ai shaloi shi gaw ah.. gara hku di na kun ngu na nchyang shaw nna shi gaw myit sai da. Myit myit re oh.. ngai dum sai ngu na she masha ni na hpun palawng hte hkrat re nna masha ni na hkum hkrang na hpun palawng ni hte shi mari nna sa wa ai da. Sa wa nna shi mung sa ka nang sai da. Sa ka nang re she kade n na jang gaw shi wa ndum shami woi re nga gaw woi ka hkrang hku ka dat ai da. Ka wa ai shaloi she masha ni gaw mau ma ai da. Shi hpe mau ma nna she i da. Woi woi kasha she rai nga ai ngu nna shi hpe yawng mau ma ai da. Shi na nmai shaw dat ai re nga gaw shi gaw shi hpe dai mare masha ni yawng mau ma ai da. Dai she woi mung gaya mat ai da. I da..ngai mi she shinggyin masha ndai ni ngai hpe woi re chye kau sai ngai hpe adup sat sa na ngu na shi gaw grai hkrit nna kalang ta gat mat wa ai da. Nam zinlawng de kalang ta gat mat wa re nna shi nga ai nam zinlawng na dai hpun du langai mi kaw sha sa dung nga re nna sa hkrap nga ai da. Sa hkrap nga nna mare masha ni mung hkan gat nang nna she mare masha dai ni wa she i... da woi kasha nang hpa re na hkrap taw ai rai ngu tsun ai da. I da... ngai gaw da. Nanhte zawn zawn re masha nre gaw da. Ngai gaw woi she re ai gaw da. Nanhte ka nga ai hpe yu nna ngai grai ka mayu ai majaw ngai sa ka nang ai she re ai gaw da, ngai gaw woi she re ai ngu tsun ai da. Dai hku ngu tsun dang re ai shaloi she, e da nang woi mi rai tim da anhte nang hpe n sat ai yaw da. Nang gaw grai chye ka ai tsawm mung grai tsawm ai da. Dai majaw na woi ka hkrang wa grai tsawm ai anhte grai yu ra mat sai dai majaw nang na woi ka hkrang ma anhte hpe sharin ya rit le ngu tsun ai da. Dai majaw dai shaloi she woi kasha wa gaw grai myit pyaw ai da. Grai myit pyaw na dai shaloi kaw na woi wa ma masha wa hpe dai mare masha ni hpe ka hkrang woi ka hkrang sharin ya nna masha ni ma dai woi hpe atsawm sha woi lakawn nna woi ganawn ai da.

Sources