Details

Latitude

25.234

Longitude

96.9165

Start Date

2017-04-12

End Date

2017-04-12

Lachyum rawng ai ga masum a lam tsun na re. Moi kalang mi hta da shi gaw grai lu su na hpaji grai sharin mayu na kaga mungdan de hpaji sa sharin ai shaloi she, dai shi na shara ngu na wa tsun ai da. E nang na hkrun lam gaw grai tsan ai majaw sara nang hpe ga masum htet dat na dai hpe hkan nang yang gaw nang na hkrun lam kaw apyaw sha nang lu wa na re ngu dai hku ngu tsun dat ai da. Dai shaloi she (nambat) langai tsun ai gaw nang i manang nlawm ai sha hkrun lam hkum hkawm ngu htet dat ai da. (Nambat) lahkawng na ga gaw shana yup yang wan nshachyi ai sha hkum yup yaw ngu tsun ai da. (Nambat) masum gaw hka mu ai shara kaw hka hkum shin yaw ngu htet dat ai da. Dai shaloi she dai la wa gaw dai hku hkan mat wa sai da. Hka nawng langai mi kaw she jahkan hkawm taw ai mu ai da, e i nye sara tsun ai wa i hkrun lam hkawm yang manang nlawm yang hkum hkam nga majaw ngai ndai jahkan hpe rim na re ngu na jahkan hpe rim na shi nhpye kaw bang ai da. Nhpye kaw bang na hkawm mat wa shaloi she, nsin grai sin ai majaw nta langai mu ai da. Dai kaw she, i nta ndai kaw dai na sha shang manam na re ngu na sa shaga shaloi she ding gai langai pru wa ai da. E dwi e ngai dai na ndai kaw manam na yaw ngu tsun yang, mai ai yup u ngu tsun ai da. Dai shaloi she, shi bai yup ai da shi yup na matu yup ku langai mi nga ai da, dai kaw shi yup rai yang she shana ting jahkan wa she hkaw hkrat na nlu yup ai da shi yup myet myet nga jang jahkan hkaw hkrat wa na nlu yup na she jahkan hkaw hkrat ai ngu jahkan dai hpe naw hpaw yu yang shaloi she shi sara tsun ai ga na ai da. Shana yup yang wan shachyi na yup u nga hpe na dat na wan shacyi ai da. Wan shacyi dat rai shaloi she shi na yup ku npu kaw nra hkrai hkrai rai mu ai da. I ndai nra hkrai hkrai rai gaw ndai gaw ndai ding gai dai gaw masha nan nrai sai ndai gaw shalawa she rai sam ai ngu dai hku ngu tsun na she sa lagu yu ai da. Shi dai ding gai wa yup nga ai kaw sa lagu yu shaloi she, dai ding gai wa shi na wa galu pru na she shalawa num wa yup taw ai da. Dai shaloi she shi gaw hpaji chye re nga nhtu langai lang na she, e nang shinggyin masha hpe sha na hku i, nang hkum maw dai majaw ngai nang na asak hpe dai na sat la sana ngu dai hku ngu tsun ai shaloi she dai shalawa num wa gaw e ngai masha asak hpe nsat la sai lo hpaji rawng ai wa e ngai hpe nsat na matu ngai nang hpe ndai ja gumhpraw htuk mi jaw dat na (ait) langai jaw dat na ngu tsun ai shaloi she, e mai ai dan nga yang nsat sai ngu na, shi dai shalawa num wa jaw dat ai gumhpraw, ja majaw dai hpe la na wa mat ai da. Hkrun lam bai hkawm mat wa shaloi she, hka grai lwi tsawm ai hka grai lagi pyaw nan re dai kaw,mare langai kaw du ai shaloi dai grai lagyi pyaw nan re hka kaw hka masha ni hka grai shin nga ai da, dai hpe she sara tsun ai bai dum ai da. Hka mu ai kaw hka hkum shin ngu tsun ai da, dai shaloi she hka mu shagu kaw hka hkum shin ngu hpe dum na shi gaw hto kadai ma nshin ai kaw she hka hpe ja la nna she shi gaw hka shin ai da. Hka shin rai shaloi she, shi mung i nta grai du mayu sai re nga grai lawan ai hku na bu hpun palawng ni galai la na rai mat wa ai da. Dai shaloi she, hkrun lam grai tsan ai kaw bai du ai shaloi she shi hpe shalawa num wa jaw dat ai ja majaw malap kau da ai da. Dai shaloi she shi gaw bai kagat mat wa ai da, bai nhtang la shaloi she dai mi hka shin ai shara kaw dai ja majaw taw nga ai da. Dai hpe she shi gaw, a ga nye sara tsun ai ga grai teng ai, lama na ngai masha law ai kaw she sa shin yang gaw ngai na ndai ja majaw mu sana nre ndai, ngai i sara htet dat ai hpe dum na ngai hkrai ngai akatsi ngu shin ai majaw ndai hku na ja majaw bai lu la ai re ngu na shi gaw dai ja majaw hpe bai la na nta wa mat ai da. Nta wa ai shaloi shi kanu kawa ni hpe wa tsun dan ai da, nye sara gaw i hpaji grai rawng ai ngai hpe ndai hka masum shadum ai majaw hkrun lam kaw nsi hkrum mat ai re ngu dai hku ngu kanu kawa ni hpe tsun dan na dai mungdan kaw shi gaw i hpaji grai rawng ai masha kaba langai mi tai mat wa ai da.

Sources