Details

Latitude

25.234

Longitude

96.9165

Start Date

2017-04-12

End Date

2017-04-12

Bawnu ram ai num kasha a lam hpe bai tsun na re, moi kahtawng langai mi hta shan nau lahkawng gaw sumtsan hkrun lam hkawm shaloi she kahpu ngu na wa gumra gaw ala, kanau ngu na wa gumra gaw ayi rai na shan nau gaw hkrum lam hkawm ai da. Dai kanau ngu na wa gaw num kasha langai nga ai da. Dai hku hkrun lam hkarm rai yang she shan nau nsin grai sin mat ai majaw hkun lam kaw yup rai shaloi she dai kanau ngu na wa na gumra ayi wa gaw gumra kasha shangai ai da. Gumra kasha shangai rai shaloi she dai gumra kasha ngu na wa she kahpu na gumra leng npu kaw sa rawng nga ai da. Hpang jahpawy myi mu wa rai yang she kahpu wa shawng rawt ai da, kahpu wa shawng e kanau e ngai na gumra leng gaw kasha shangai ai she rai ngai ai ngu dai hku ngu tsun ai da. Dai shaloi she kanau gaw e ba e gumra leng wa me kasha shangai ai ngu gaw kara hku ma nmai nbyin ai ngu dai hku ngu tsun ai da. Dai shaloi she e mai ai, nmai byin gaw ngai na gumra leng npu kaw she ndai gumra kasha nga ai gaw ngai na she re ngu dai hku dang rang hkat ai da. Dang rang hkat shaloi she dai shanhte na hkawhkam wang de du mat wa ai da. Hkawhkam wa kaw du mat wa shaloi she hkawhkam wa tsun ai da e nanhte na gumra ndai lam hpe ngai hparan ya na, nanhte hpe raitim ga mali htet dat na dai hpe lu tsun dan ai wa hpe kaja lam hku hparan ya na ngu tsun ai da. Dai shaloi she (nam bat) langai gaw i mungkan hta ngun ja dik htum hpabaw rai ngu tsun ai da. (Nambat) lahkawng gaw sau law dik hpabaw rai ngu da. (Nam bat) masum gaw nya dik ai hpabaw rai ngu da. (Nam bat) mali gaw grai tsaw ra si na rai hpabaw rai ngu dai hku ngu htet dat ai da. Dai shaloi she kahpu ngu na la wa gaw shi na lusu ai dinggai hpe sa san ai da. Dai shaloi she dinggai wa gaw kahpu hpe shawng tsun ai da ngai tsun dan na aloi sha i, dai mungkan ntsa chyang dik ai ja dik ai gaw aloi sha re dai gaw nye gumra re ngu da, mungkan ntsa nye gumra ram chyang ai kadai nnga ai ngu tsun ai da.

Sources