Details

Latitude

25.234

Longitude

96.9165

Start Date

2017-04-12

End Date

2017-04-12

Translation (Htoi San) A long time ago, a king had two children in a country. One day, he gave orders to his two sons as he was getting old and unhealthy. He asked the elder son 'Ma Gam' to take over his place after he died. Ma Gam accepted his father's request. After that, the king passed away. Everybody agreed the elder son would be the king after his father's death. But he thought, "Instead of me being the king, I will let my younger brother be the king." Ma Gam was very talented at shooting crossbows. He also attended the school of shooting crossbows. He handed his right to his brother. His brother got the king position. The two brothers loved each other so much. But the servants badmouthed about the elder brother to the king brother, "Your brother Ma Gam is not good. Your elder brother is not okay." The king did not investigate well and believed that his brother was bad. He had a negative impact on his brother. The big brother was so sad and did not know what to do, so he had to leave the country as his younger brother did not like him. After leaving his own country, he reached another kingdom and met with the king of that nation. He told the king that he would be a servant. The king asked him, "What is the best you know?" "I don't know any other skills than shooting crossbows, which is my best skill." The attendants from that country said, "We also know how to shoot crossbows like him." The king from that nation judged, "Shoot the mango from the mango tree at once, which is the highest place." "After shooting down, you have to shoot half to the sky and another half to the ground. Can you do that?" The boy responded, "Alright, I will do that." He aimed the crossbow at the mango from the very high mango tree and shot up half of that fruit to the sky. Then he shot down another half to the ground. The king praised him, "You are good. You are very talented," and then the boy worked under that king not as a servant but as a runner. One day, robbers and chief commanders in war prepared to fight and started to open the battle with his brother country. His brother was so scared, and no one could shoot the crossbows. He missed his elder brother at that time. "My brother is very good at shooting crossbows. I was angry at him as I did not like him." "Now, he may not like me either, and he might be angry at me too. Even if I ask him to come, he won't come back to me," said the younger brother. But he managed to send a letter to his brother to come back to him. "I did not look into your case well, and I blamed you." "So, please forgive me," apologized the brother king. Ma Gam did not criticize his brother, and he forgave and then returned to his own country. He went back to his brother, and he sent a letter sticking on a bow to the people who wanted to open war with his country. He wrote, "If you dare, come to me." "Not only to this one country, I will shoot with this bow but also to seven countries to destroy all." After that, he shot that bow at his enemy's country. The bubble reached there, and the enemies, who were destroying his nation, saw that bow with the letter. When they read his letter, they were so afraid that he could shoot until destroying the seven countries. At last, they did not dare to go and make war with his nation. His younger brother was repentant and loved him more than before. Transcription (Lu Awng) Moi kalang mi hta da ndai mungdan langai kaw ndai hkawhkam wa gaw da kasha 2 lu ai da. Shi kasha 2 lu jang she shi gaw lani mi na aten hta asak kaba wa re majaw hkam kaja lam ma n nga wa re majaw shi gaw lamana wa si mat ai re yang gaw nye kasha magam wa nang gaw wa na hkawhkam aya hpe nang hpe ap ra na re ngu na tsun da ai da. Dai shaloi ndai kasha magam wa mung mai ai ngu na tsun da ai da. Dai yang she kaja wa kawa gaw si mat sai da. N nga mat wa re jang she ndai shi kahpu gaw ndai magam wa gaw shi gaw ndai hkawhkam tai na re sai hku nga, yawng hku na myit hkrum sai da. Retim shi gaw shi na myit hta gaw ngai hkawhkam ngai tai na malai gaw nye kanau hpe mahtang hkawhkam tai shangun na ngu na shi gaw myit ai da. Ndai magam wa gaw shi gaw ndan gap ma grai ram ai wa re da. Shi gaw ndai ndan gap grai ram ai shi jawng ma lung da ai re da, ndan gap ai kaw re yang she shi gaw shi kanau hpe mahtang hkawhkam a ya shi kanau hpe jaw kau ai da. Dai shaloi shi kanau mung kaja nan hkawhkam aya lu mat sai da. Re yang shi kahpu na ntsa kaw shan nau ni gaw grai tsawra hkat ai re da, dai shi a mayam ni dai ni gaw kahpu hpe she n kaja ai na hpu gaw n kaja ai na hpu gaw n kaja ai ngu na masu na shi kanau hpe tsun dan di ai da. Dai shaloi ndai shi kanau gaw kaja shadu ai da, n sagawn yu ai sha kahpu hpe kaja nan n kaja mu mat ai da. Kahpu na ntsa kaw shi gaw n kaja mu mat re na shi hpu hpe ma shi n ra mat ai da. Dai shaloi she shi kahpu gaw kaning n chye di re na dai mungdan kaw na hkawm mat wa ai da, shi kanau n ra mat ai re majaw hkawm mat re jang she oh kaga mungdan kaw du ai da, du re yang she dai kaw na hkawhkam wa gaw shi hpe mu ai da. Dai shi gaw ngai ndai kaw mayam tai na retim nga na ngu na tsun ai da. Dai shaloi dai hkawhkam wa gaw nang hpa baw hpaji chye ai rai ngu san ai da. Dai shaloi dai la kasha wa gaw ngai gaw kaga hpaji gaw hpa n chye ai, retim ndan gap ai grai ram ai re ngu na tsun ai da. Dai shaloi she ndai shi na mayam ni gaw dai wa gap chye ai ndan rau anhte ma chye gap ai ngu tsun ai da. Dai shaloi she dai kaw na dai kaw na hkawhkam wa gaw e dai hku nga yang oh ra tsaw dik ai dai lamung hpun kaw na lamung si dai hpe nang kalang ta gap dat u. Gap jahkrat na chyen mi gaw ntsa de gap shalun dat, chyen mi hpe gaw ga de shayu dat dai hku lu di ai i ngu tsun ai da. Dai shaloi dai la kasha wa gaw e ngai gap na ngu na tsun ai da. Dai shaloi shi gaw dai ndan hpe shachyen na oh ra grai tsaw ai lamung hpun langai kaw na dai lamung si dai hpe she chyen mi hpe gaw shi gap dat na she, le lamu de gap shalung kau ai da. Chyen mi hpe gaw ga de du hkra gap shayu dat ai da. Gap shayu dat re shaloi she ndai hkawhkam wa gaw shi hpe grai ram ai nang gaw grai ram ai she re nga ngu na shi hpe dai kaw mayam hku na shi a shangun ma hku na shi dai kaw nga ai da. Nga re she lani mi na aten hta she kanau nga ai mungdan kaw gaw ndai damya ni majan jaubu kaba ni dai mungdan kaw majan sa hpaw na matu sa wa na hkyen ai da. Dai shaloi she ndai shi kanau gaw grai hkrit na she shi mungdan kaw gaw dai ndan chye gap ai masha mung kadai mung n nga ai da. Dai shaloi she shi kahpu hpe dum dat ai da. Aw nye hpu ndan gap grai chye ai re wa, ngai nye hpu hpe gaw ngai nra na ngai nye hpu hpe ngai grai pawt kau sai. Ya nye hpu ngai hpe grai dai hku grai pawt nga na sai, nye hpu ngai hpe e nra na sai, ngai shaga tim lung wa na nre sai ngu tsun ai da. Dai shaloi shi laika shagun dat ai shi kahpu hpe ngai kaw bai wa rit. Ngai a hpu na lam hpe ngai atsawm n sagawn yu ai sha hpu hpe ngai mara shangun kau dat ai. Dai majaw ngai na mara raw kau ya rit ngu na tsun ai da. Dai shaloi she kaja nan shi hpu gaw shi kanau na ntsa kaw mara nmu ai sha, mara raw kau ya re na shi kanau kaw wa ai da. Shi kanau kaw wa re na, dai shanhte mungdan kaw e ndai majan sa hpaw hpang wa ai dai masha ni hpe shi gaw ndan pala kaw she nanhte gwi yang gaw sa wa yu mu. Ndai mungdan langai sha nre, mungdan 7 hten hkra pyi naw ngai ndai ndan hte ngai gap lu gap kau ai ngu na shi gaw dai n dan kaw she shi laika ka shakap da ai da. Dai hte she shi gaw dai mungdan de gap dat ai da, gap dat ai shaloi she dai shanhte na mungdan kaw sa jahten maw ai dai hpyen ni gaw dai n dan pala kaw yu dat ai shaloi she laika dai hpe mu dat ai da. Dai wa ka da ai mungdan 7 hten hkra pyi naw shi lu gap ai ngu hpe shi ka da ai hpe shi mu dat jang she dai mungdan ni gaw dai kaw na hpyen ni grai hkrit mat na she shanhte n gwi sa mat wa ai da. Dai majaw dai kahpu wa gaw kanau wa gaw grai myit malai lu na shi kahpu hpe mi na zawn shi grai tsawra mat wa ai da.

Sources