Details

Latitude

25.234

Longitude

96.9165

Start Date

2017-04-10

End Date

2017-04-10

Ngai tsun na lam gaw yup mang na lam re. Moi kalang mi hta mare langai kaw grai matsan ai la langai mi gaw nga ai da, dai wa gaw i shana shagu shi gaw lani mi hta ngai sahte kaba galoi byin na ngu na shi dai hkrai myit na yup mat ma re i. Dai hku shana shagu myit na yup ai shaloi shi gaw yup mang mu ai da. Ndai mare na shinggan na mare ndu shi yang dai kaw mahkrai langai mi nga ai. Dai mahkrai kaw ja gumhpraw grai law ga ai dai kaw nang wa la u ngu tsun she, Dai hku yup mang mu na dai hku hprang wa she shi gaw grai mau sai da, dai she i kaning hku wa mai byin na dai hku tawn da yang gaw masha ni wa la kau na, retim mung ngai lu na lam she re mi sa mat wa ai da. Sa mat wa na dai kaw wa tam she lani mi tam nmu, hpang shani tam nmu na shi gaw grai myit htum re na shani shagu myit htum tim, shi gaw ntam ai n nga ai da, galoi shagu wa tam re shaloi dai makau kaw gat dut ai i dai dinggai langai gaw mu ai hku nga. Ndai la wa gaw mana i, shani shagu ndai hku hpa wa tam ai mi re ngu na dai dinggai wa gaw shi hpe hpang shani sa wa ai shaloi san na hku nga. Nang ndai kaw hpa wa tam ai ma? hpa mung nnga ai wa ngu tsun she, ngai yup mang mu ai da i, ndai mahkrai pawt kaw ja gumhpraw ni grai law hkra tawn da ai nga ai da law ngu tsun she nang grai a ngawk ai, grai a nya ai masha she re nga i. Dan re yup mang hpe kam ra ai i, oh mare ka-ang na i dai hpun kaba kaw kata kaw ja grai manu dan ai i ja tawng kaba grai manu dan ai dai langai mi nga ai. Dai dut sha yang gumhpraw ni ma grai lu na sahte kaba byin sa na, retim yup mang dan re yup mang ngai gaw n kam ai majaw ngai gaw nsa ai ngu tsun ai da. Dai la wa kaja wa hprang wa na she shi gaw dai hku re na kalang ta shi nta de, mare ka-ang na nta de na nta npu kaw wa htu yu yang kaja sha grai manu dan ai ja tawng kaba rawng taw na shi gaw dai dut sha na dan re lusu mat ai da.

Sources