Details

Latitude

25.234

Longitude

96.9165

Start Date

2017-04-10

End Date

2017-04-10

Myit malai lu ai la shabrang langai a lam. Moi shawng e da kahtawng langai mi kaw grai lusu ai i lauban langai hte grai matsan ai la shan 2 nga ai da. Dai she lani mi na ten hta grai lusu ai la gaw matsan ai mare kaw na mam ni mari la re na dai hku dut sha na nga ai da. Dai she dai grai lusu ai la wa gaw matsan ai ni hpe grai yu kaji ai da. Dai she lani mi na ten hta dai hku mare kaw na matsan ai wa hpe grai yu kaji ai hku dai hku ni shaga dai hku ni lai mat wa re ai da. Lani mi marang grai htu ai da, dai shaloi she dai grai lusu ai la wa gaw dai grai matsan ai la wa na nta shawng hku lai mat wa na she dai kaw na mam sa mari la ai da. Mam sa mari la na bai wa she marang grai htu ai majaw gumra ni na shanwg hku lapu kasha langai mi lai mat wa ai da. Lapu langai mi lai wa she dai lapu hpe she hkrit na gumra ni gaw yanwg hprawng bra mat she amam ni yawng ru mat ai da. Dai hku leng ni yawng dai hku leng ni yawng laga ga dai hku mam ni laga ga dai hku byin mat she dai grai lusu ai la wa gaw shi hpai bang taw ai da. Kadai ma n sa garum la ai da, dai matsan ai ni lai mat wa tim nang gaw grai gawng ai la re, nang ram ram gawng ai la kadai ma n garum ai ngu na kadai ma n garum ai da. Dai shaloi she dai shi grai yu kaji ai dai shanhte nta shawng na grai matsan ai la kasha shabrang wa gaw matsan dum myit grai rawng ai majaw sa hpai garum ai da. Sa hpai garum she leng ni hpe ma atsawm galaw dat ya, dai gumra ni hpe ma atsawm sa dun dat ya re na wa mat ai da. Dai shaloi she dai lauban wa gaw wa mat ai da. Sahte wa nta wa na she i ngai grai yu kaji ai la wa she ngai hpe garum nga ai. Dai majaw ngai shi hpe mam buri 2 sha pyi sa garum na re ngu na mam buri 2 sa garum ai da. Dai shaloi she dai matsan ai la wa gaw tsun ai da, anhte gaw i grai matsan tim i manang wa hpe i n ju n dawng ai myit n rawng ai da. Anhte gaw grai matsan tim garum shingtau hkat ai myit gaw rawng ai, dai majaw nang na mam n jaw ra ai ngu tsun ai da. Dai shaloi she dai sahte wa gaw e hkau e ngai nang hpe ya kaw na i n ju n dawng ai, matsan ai ni hpe n ju ndawng ndi sa na. Dai majaw matsan ai ni hpe mung hku hku hkau hkau hte garum shingtau na nga sa na ngu na dai la wa hpe ga sadi jaw ai da. Dai majaw dai la wa gaw e nang kaja wa ga sadi jaw yang gaw i an 2 kaja dik ai manang 2 dai hku byin tai hkra shakut ga ngu na shan 2 mung dai shani kaw na grai hkau ai matsan ai wa hpe lusu ai wa dai hku n gying hka hkat ai sha hkau na dai hku grai hkau na nga mat ai da.

Sources