Details

Latitude

25.234

Longitude

96.9165

Start Date

2017-03-29

End Date

2017-03-29

Ya ngai hkai na maumwi a gabaw gaw chyahkyawn hte bainam a lam re. Moi shawng e da chyahkyawn shi gaw i grai masu chye ai da. Dai shaloi shi gaw lani mi hta gaw shi gaw shat tam sha sa ai da, shat tam sha sa re shaloi hka htung langai hta shi hkrat mat na dai kaw na le na matu kade ma shakut tim nlu le ai dai majaw shi gaw grai myit htum na shi gaw hka htung kaw rawng taw ai da. Dai shaloi bainam langai mi gaw shat tam sha sa ai da. Shat tam sha sa she hkahtung dai kaw wa chyahkyawn rawng taw ai shi mu ai da. Dai wa deng shi gaw i dai chyahkyawn wa hkrat taw re shi nchye ai da, re na chyahkyawn hpe san, nang rawng taw ai hka dai gaw san ai i tsun ai shaloi chyahkyawn gaw i hka ndai san ai shang lu u ngu, bainam gaw gara hku le na hpe n myit na shi gaw shang mat ai da. Shang na hka lu ai da, hka lu hkru sai i nga ya anhte manang chyahkyawn wa hkau chyahkyawn wa e anhte ndai kaw gara hku le na ta ngu shi tsun ai da. Chyahkyawn gaw tsun ai da, ya anhte an 2 le na lam gaw 1 sha nga sai da i, nang gaw da dai i ga shakum hta kabye na tsap taw u, dai shaloi ngai na na hkum kaw na kabye na ntsa de bai du sai i nga jang nang hpe bai ngai bai agang shaw la na ngu tsun ai da. Dai shaloi bainam mung i shi tsun ai ga hpe kam ai da, kam na shi mung masu ai re nchye ai majaw shi ma shi tsun ai hku hkan galaw ai da. Shi gaw dai hku galaw na chyahkyawn gaw ntsa maga du mat, du re di dai shaloi gaw bainam hpe tsun ai i, nang tsun ai hte maren garum la rit ngu tsun, chyahkyawn gaw i nang gaw i na na n hka mun daram pyi hpaji rawng yang gaw i karai n shang shi yang i nang le na lam hpe shawng myit yu na she shang u le. Nang gaw grai anya ai ngu na shi gaw lagat hprawng mat ai da, lagat hprang mat re shaloi shi gaw dai kaw nga na ngai chyahkyawn na ga grai kam kau sai ngu na shi gaw grai myit malai na dai kaw sha nga na si mat ai da.

Sources