Details

Latitude

25.234

Longitude

96.9165

Start Date

2017-03-29

End Date

2017-03-29

Ya ngai hkai na maumwi a gabaw gaw hkawhkam a ya tat kau ai hkanghkyi hte jahkyi a lam re. Moi shawng de da hkanghkyi langai mi nga ai da. Dai hkanghkyi gaw da dusat ni yang na hkawhkam re ai da. Shi gaw dusat ni gaw shi hkanghkyi hpe shani shagu dusat ni amyu hte amyu langai hte langai shani shagu dai hku shat jaw sha ra ai da. Dai shaloi lani mi hta na gaw da shu ni shat jaw sha ang ai da. Dai shaloi da shu gaw hkanghkyi wa she hkanghkyi na shawng kaw shat sa jaw na matu, hkrit ai majaw da shu gaw hkanghkyi hpe shaga la ai da. Hkawhkam wa e da na na nsen ga shaga ai nsen anhte ni grai na mayu ga ai da. Dai majaw anhte ni nga ai shara de chyeju hte sa ya rit ngu ding ngu tsun ai da. Dai shaloi nang sa wa yang gaw nang hpe nang ra dik htum nang sha mayu dik htum shan hpe jaw sha na ngu tsun ai da. Dai shaloi hkanghkyi gaw sa wa ai da, sa wa re shaloi shu ni kei garu kachyi nga na nga ai da, dai shaloi shu gaw hkanghkyi hpe hkawhkam wa e nang shaga ai nsen hpe mung anhte gaw galoi n na yu ga ai, anhte gaw garu kachyi galoi mung dai hku shaga i, anhte ni nau garu ai majaw hkawhkam wa na nsen hpe nna yu ga ai. Dai majaw hkawhkam wa nang na na n gun atsam hte nang ngut ai daram marawn dat yu rit. Dai ngut ai hpang nang hpe anhte nang ra ai shat ni jaw sha na ngu tsun ai da. Shaloi hkawhkam wa gaw e rai sai nga na shi na n gun htum hkra marawn dat ai da, dai shaloi oh ra shu wa gaw hkawhkam wa grai marawn da ai n gup mahka kaw hkum pa lahkat bang ya ai da. Dai shaloi hkanghkyi wa gaw pawt na kei nang hpe gaw ngai sha kau sa na ngu da, dai shaloi oh ra shu wa gaw magra, shu wa gaw nau hkrit na hkanghkyi wa shu hpe kabai dat ai da. Dai shaloi oh ra hkanghkyi gaw gumtsat sa ai shaloi oh ra shu gaw bai hkanghkyi na nmai kaw bai magra tek da re shaloi gaw oh ra hkanghkyi wa gaw oh ra hka du ai shaloi hka oh ra hkran ga gumtsat rap na matu wa hkanghkyi wa grai shaja hkra dai hku gumtsat dat ai wa shu wa hkanghkyi na nmai gumtsat ai dai hku galang dat ai shaloi dai shu wa hkanghkyi na nmai kaw tek taw ai wa, dai hkanghkyi na mun hpe gawa di di na hkanghkyi na shawng gumtsat ai shawng kaw du wa ai da. Dai shaloi gaw hkanghkyi wa shu hpe nang hpe gaw ngai sha kau sa na ngu tsun ai da, dai shaloi hkawhkam wa e hkum sha law ngu da, n dai yu yu ndai na na n ji hpe ngai n dai sha kau ai nji na mun re ngu tsun ai da. Dai shaloi oh ra hkanghkyi wa gaw grai hkrit mat ai da. Dai shi gaw grai hkrit mat di na wa mat ai da. Dai shaloi dusat ni yawng wa dai shiga dai dan re hkawhkam wa dai hku re hpe na re di na ndai wa gaw hkawhkam nmai sai ngu na jahkyi hpe bai hkawhkam galaw shangun ai da. Dai shaloi hkawhkam lata na jahkyi hpe hkawhkam galaw shangun re shaloi wa oh ra jahkyi wa gaw namsi sha grai mayu ai da, lagum si sha mayu re wa taukawk hpe wa dai lagum si di jaw shangun ai da. Dai shaloi taukawk gaw n ngut di na hpun namsi di ngut na bai hkrat wa bai hkrat wa re da, dai hpe bai dusat laga ni bai na re majaw dai majaw hkawhkam aya kaw na jahkyi hpe bai shayu kau ai da.

Sources