Details

Latitude

25.234

Longitude

96.9165

Start Date

2017-03-29

End Date

2017-03-29

Ya ngai hkai na maumwi a gabaw gaw grai masu ai la langai a lam re. Moi shawng de da la langai mi nga ai da. Dai la dai gaw grai chye masu ai da. Mare dai kaw na mare masha ni yawng hpe shi kam ai hku masu sha ai da. Dai shaloi la 2 ni gaw la 2 gaw sa wa ai da. Hkau nang gaw dai ram ram chye masu ai gaw an 2 hpe gaw nlu masu na re ngu tsun ai da. Shaloi an 2 hpe n lu masu na re ngu tsun ai shaloi oh ra grai masu chye ai la wa gaw lu masu ai ngu tsun, n lu masu ai, dai nga jang hpawt ni re jang oh hka kau mare shingnawm kaw na hka kau kaw sa wa rit yaw ngu tsun da. Dai shaloi gaw e nga na oh ra dai la 2 gaw lat taw ai da, hpang shani du jang dai hka kau kaw lat taw re shaloi gaw oh ra grai masu chye ai la wa mung sa wa ai da. Sa wa re shaloi gaw dai yen 2 gaw lat di na nga taw ai wa grai masu chye ai la wa sa wa re shaloi e dai wa hkau woi sa wa sai, hkau nang ya grai masu yu u le an 2 hpe lu masu ai kun ngu, aw ngai nan 2 hpe masu na matu nta kaw masum n dum malap kau sai ngu tsun ai da.

Sources