Details

Latitude

25.234

Longitude

96.9165

Start Date

2017-03-29

End Date

2017-03-29

Ya ngai hkai na maumwi gaw dinggai hte lalaw ma a lam re. Moi shawng e da dinggai dai gaw da shi gaw sun galaw sha ai shaloi da, dai dinggai gaw dai shi na sun kaw kaba dik ai wahkum hpe di ai da, shi dai wahkum hpe di ai shaloi kanyen du langai sa na hpajawk kaw kahtet ya ai, dai shaloi dai wahkum si gaw lut mat, lut nna taleng mat wa ai da. Dai shi na wahkum si gaw galeng mat wa, galeng mat wa re shaloi da dai wa gaw i ga ganaw di nga ai shaloi gahtan makru rau hkra nna wa na ladi kaw wa chyuk ai da. Wa chyuk re shaloi dai kaw wa law di na hto ra U gan bai katak na kadu hka la a lahpai si lut, hto hka de nga ai jahkan hpe myek di da, hto de yawng mat wa ai shaloi lalaw ma ni hka lu na nga da, dai shaloi katsu du na kinra wa shanhte na duhkraw kaw chyat re da. Chyat taw nga shaloi dai shaw kau n mai, dai hka hta hkan na lung mat wa ai shaloi jahkan hte hkrum nang ndai nye na duhkraw na kinra nang di ai i, ngai nre kadu la e lahpai si hkrat nna ngai hpe jamyek, lahpai si hpe san u ngu da, lahpai si hpe nang hpa na jahkan hpe jamyek ai rai? hto kadu hka le e ngai hpe jahkrat dat nna dai hte dummyek ai re ngu da, kadu hka la hpe bai san, nang hpa na ndai dummyek ai rai ngu? hto U gan katak na tat kau ai ngu da. Tat kau ai she re, Ugan hpe san nang hpa na wa n du wa nau ngoi ai majaw ngu da, wa nang hpa rai na ngoi ai rai, hto ra jahtan makru yen a n di kaw chyawp ya ai majaw re. Chyawp di ya ngu shaloi hto ra kahtan hpe san, nang hpa rai na n dai wa na ladi kaw kahtan chyawp di ya rai? ngai nre, nang nre yang kadai ma, hto dinggai langai wa hkum si tauleng dat na dai nye na hkum nyawp rap di ya na wa na ladi kaw chyawp re ngu da, dai shaloi dinggai hpe san da nang hpa rai na wahkum hpe tauleng dat, hto ra kanen du kahtek dat ai majaw ngai e wahkum si galeng dat ai re ngu dai she kanen du hpe san nang hpa na kahtek ai, dinggai nau tsawm di kahtek ai ngu da.

Sources