Details

Latitude

25.234

Longitude

96.9165

Start Date

2017-03-23

End Date

2017-03-23

Kalang mi na ndai chyahkyawn langai mi gaw nga grai sha mayu ai nga na hka de e nga tam sha na nga na hka kau de garet mat wa ai da. Kaja wa shi hka kau garet garet re yang gaw nga kaba ba law rawng ai shara hpe shi gaw sa mu da sai da. Nga kaba rawng ai la-ing hpe sa mu da sai, retim shi gaw nga shaw sha na wa shi gaw hka shang nlu shang re na she n lu shaw sha re jang she e ya ndai hka shang shang chye ai manang naw tam ra sai. Ndai manang naw tam mat wa na re nga na tam mat wa re yang she hkangse hte hkrum ai da. Chyahkyawn gaw hkangse hte hkrum jang she e jinghku hkangse e ngai nga kaba rawng ai la-ing ngai mu da ai, ndai kaw nang gaw hka shang shang lu ai re majaw gaw nang a nga shang hta u, nga kaba rawng ai re, dai kaw dai nga kaba hpe lu shaw la jang gaw an 2 maren garan sha ga. Nang shang shaw su ngu na she shang shaw shangun yang she, shang shaw shangun yang kaja wa hkangse gaw lushaw sai da. Lu shaw re yang she ya ndai nga lushaw sai re majaw gaw an 2 ndai nga hpe garan na matu nang joi naw wa tam la su ngu sai da. Chyahkyawn gaw ndai lawhpa ai myit rawng na she ndai manang wa ndai joi wa tam mat wa jang shi hkrai hpai hprawng sha kau na sawn na she hkangse hpe gaw shi joi naw hkan tam la su. Ndai joi gyit na numru mung tam wa rit ngu na she shangun kau dat ai da. Shangun kau dat re na she shi gaw hkangse hkawm mat wa ai shaloi she shi gaw nga kaba hpe hta hpai na hprawng mat wa ai da. Hprawng mat hprawng mat wa yang gaw shara mi kaw ndai hkangse bai du wa na gaw tsang na she wat grai lawan na nga ndai hpe yawng shi hkrai lusha kau hkra nga na she lawan ladan ama shara rai na she, nga dai hpe shi a gying lawan ladan sha kau dat ai da. Sha kau dat yang shi gaw yu hkraw kaw nga n ra dang la sai da. Nga nra dang la na bai jam jau sai dal lo, jam jau jam jau kaning di na gaw n shaw kau dang gaw dang rai na she jam jau kin si re na she, e e ya ndai nye du hkraw kaw na nra nga nra hpe shaw kau ya chye ai manang naw tam ra sai ngu na tam hkawm mat wa yang gaw ndai hka u hte hkrum ai da. Hka u hte hkrum jang she e jinghku hka u e ndai nye yuhkraw na nga nra naw shaw kau ya rit law, ngai nang hpe e kumhpa shabrai jaw na n ngai ngu na she tsun re na, shan 2 dai hku ga sadi jaw hkat nna she kaja wa hka u gaw shi n gup gaw galu law re nga she chyahkyawn a yu hkraw de shi n gup galu shawn bang na nga n ra shaw kau ya sai da . Nga nra shaw kau ya ngut jang she hka u gaw tsun sai da, e ya na yu hkraw kaw na nga n ra hpe ngai shaw kau ya sai re majaw nang tsun ai hte maren ngai hpe e kumhpa shabrai jaw sa nu ngu jang she chyahkyawn gaw bai tsun ai da. E e hka u mana e nang ram ram mana ai gaw dai na n gup nye n gup de e shawn bang ai nye e n gara a grawp sha kau ya ai pyi chyeju hte dum u ngu na she hpa kumhpa mung n jaw ai sha shi gasa di n hkan e dai hku n jaw ai nga mat ai da.

Sources