Details

Latitude

25.234

Longitude

96.9165

Start Date

2017-03-23

End Date

2017-03-23

Ya ngai hkai na maumwi gabaw gaw mam ting num jan a shu shan nga re. Moi da lani mi hta e ndai num langai mi gaw shi yi galaw na mam ting sa ai da. Shi gaw mam ting sa re yang she yi wa kaw du na shi gaw e dai ni lu na hka naw sa ja da na re nga na she hka n htum sha gun re na oh hkaraw de hka sa ja sa wa ai da. Hka sa ja re yang she dai hka kaw she shu kaba law ai langai mi hpum nga ai da. Re jang she shi gaw dai shu hpe rim la re na she pu kan, masin ni shaw kau, hpyi ni gawng kau re na she, lahpaw sha di la, re na ndai shalap ni, di la re na she ndai shalap ni a tawk na, ndai zaulaw zauban jahkum re na she lahpaw mung hkaraw kaw na di wa re na she atsawm sha makai, grai mu hkra zaulaw zauban yawng jinghkum di na she yawng azat a tawk na she lahpaw kaw e makai na atsawm sha wan kaw ka-i kau da ai da. Ka-i kau da re na shi gaw mam ta ting sai da, mam sa ting nga yang shi gaw nye shu shan gaw dai ni gaw grai mu hkra hkut nga na sai, dai ni gaw ngai grai mu hkra shu shan hpe ngai grai mu hkra shat sha lu sha sa na re nga na shi na grai myit pyaw, mam ting ai pyi naw shu shan hpe chyu dum na myit n lawm n lawm sha mi nga na mam sa ting ai da. Re yang gaw shani ka-ang du wa re yang gaw shat kan si wa re na she e ngai ka-i da ai shu shan hte ahkru hkra shat wa sha na re ngu na she wa yang she shi ka-i da ai shu wa she hpun tawng kaw she a mut re na shu dai wa a hkrung wa hpum nga la na shi gaw grai wa kajawng wa mau kau ai da.

Sources