Details

Latitude

25.234

Longitude

96.9165

Start Date

2017-03-23

End Date

2017-03-23

Ya ngai hkai na maumwi gabaw gaw hpun kaba langai hte dusat hpan 3 a lam ngu ai re. Moi da ndai hpun kaba langai mi tu ai dai kaw she hto dai hpun a n dung kaw gaw galang yen nu ni gaw tsip tsip na dai kaw kasha kraw re na e dai kaw e hpun ndung kaw e tsip tsip na nga ai da. Le hpun pawt kaw re jang gaw wa du kasha hkai na tsip tsip na wa du yen nu ni nga ai da. De a makau nau n tsan ai kaw re jang gaw chyahkyawn mung kasha hkai re na dai kaw chyahkyawn yen nu ni nga re ai da. Re yang she ndai chyahkyawn gaw law hpa myit rawng nna she e shi gaw hto hpun n dung na galang yen nu ni hte le hpunpawt kaw na wa du yen nu ni hpe shi gaw masu ai da. Hto hpun ndung de e chyahkyawn gaw lung wa na she e galang e nang gara de mung hkum sa, le hpun pawt kaw e wa du yen nu ni nga ma ai. Nang kade de gan hkawm mat jang ndai na kasha ni hpe e ndai wa du gaw na kasha ni hpe wa shayu la na shi kasha ni hpe jaw sha na nga tsun ai. Dai majaw nang gara de mung hkum sa, na kasha ni hpe zim re na nga nga ngu hpun n dung kaw wa tsun kau da ai da. Chyahkyawn gaw yu wa na she le hpun pawt kaw na wa du hpe mung shi gaw tsun ai da. E wa du e nang gara de mung hkum sa, ndai na kasha ni hpe sin nna she nga nga u. Hto hpun ndung kaw na galang gaw nang kade de sa mat jang e ndai na kasha ni hpe e shi hta la na shi kasha ni hpe jaw kau na nga tsun ai ngu na she shi gaw dai hku masu ai da. Masu jang gaw kaja wa galang hte wa du gaw kasha ni hpe shat mung n tam jaw re na she dai hku kasha ni hpe sin tik tik re na nga kau ai majaw she galang yen nu ni hte wa du yen nu ni gaw dai hku hpa mung n lu tam sha na kawsi na si mat re jang she n dai chyahkyawn re jang gaw ndai galang yen nu ni hte e wa du yen nu ni si taw ai dai mang hpe she chyahkyawn shan nu ni gaw a gying sha ai da. Agying mahkra mahkra sha hkrai sha, sha hkrai sha re yang she shan nu ni chyahkyawn yen nu ni re jang gaw nau hkru kan nau tit mat na chyahkyawn yen nu ni mung jang hkru si mat ai da.

Sources