Details

Latitude

25.234

Longitude

96.9165

Start Date

2017-03-13

End Date

2017-03-13

Moi shawng de e ndai mare kahtawng kaw gaw dinghku hte e i shan nu wa ni 3 nga ai da. Ndai kaw re jang e gaw masha shan kanu yen kawa gaw ndai kasha hpe grai tsawra let shan bau maka wa ai da. Ndai kasha mung lani hte lani re na kaba wa nga sai da. Kaba wa ai shaloi gaw ndai ma ndai mung shaga n madat wa ai da e. Shaga n madat wa re yang she hkum galaw ngu chyu galaw, hkum gasup ngu chyu gasup re jang e she ndai kawa gaw kanu hpe tsun ai da. Kanu gaw shat gawk kaw e grai n rau bungli galaw i, shat shadu bungli hte re na grai n rau taw nga she e ma ndai gaw ngai tsun ai ga n madat ai. Nang she bai sharin yu sanu ngu na she kanu e wa ap wa dun ya ai da. Dai shaloi jang she bungli kin nga ai hte rai na kanu mung loi mi pawt mayu pawt mayu sha nga na she shi gaw ndai shi lang ai moi anhte jinghpaw ni lang ai i si mai kamai ai ngu ai kawa hte galaw ai dai hte e si mai galaw taw nga ai da. Si mai gamai taw nga da, dai wa she ma e dan nga na ga n madat ai nga di she, pawt mayu di na she, baw kaw e gayet dat ya ai wa she, ndai kamai ndai wa she shi na baw kaw kap re mat na she ndai kamai ginlang gaw ndai myiman de a bya kap mat ai da. Dai mung woi hte grai bung mat woi ladi hte grai bung mat re da. Re jang she hpang e bai shi gaw ndai dingye hpe bai la na dai dingye hpe hkrup mara hte gayet ai da law, shi wa hkrup mara hte bai gayet na she ndai lakung hte bai gayet ai da.] Lakung hte nnan gaw i kamai hpe gaw la n lu mat ai majaw she lakung hte bai gayet dat jang she baw kaw bai gayet bang dat jang she baw kaw bai gayet dat jang she baw ntsa de bai lakung bai kap re na she papa re na she bai kap mat ai da. Shingrai na she shi gaw ndai mung nlu baw la mat yang she hkoi ze bai mu ai da, hkoize hte bai n dai mung n lu gaw la ai gaw ngu na, sha n lu gayet yang myit n pyaw, hkoize 2 la na she hkoize langai mi hte lagaw langai maga di na gayet dat yang she dai mung lagaw kaw bai kap re na she kaja wa nan ndai hkawm yang gaw gumhtawn gumhtawn re na hkawm yak mat ai, masha zawn zawn nre mat ai sha dai hku na gumhtawn re na hkawm ra mat ai da. Ding re na she ya nang e hkoize bai gawng la yu yang n lu gawng la yang she ndai num ndai gaw pawt mayu na she n dai hkrup mara mu hkrup ai hpe bai magra dat ai ngu wa she dingye hpe bai magra hkrup ai da. Dingye hpe bai magra hkrup na she ndai ma ndai gaw shi hpe bai adup hkyen sai ngu na she loi mi hprawng wa hkyen ai hte she kaja wa nan hkan a dup dat lu ai gaw ndai maidang de e hkan a dup dat lu ai da, dai kaw adup dat ai dingye hte adup dat ai hte she dai mung maidang kaw kap re mat na she woi n mai hte bai bung mat, dai kaw na she ndai masha gaw ndai shan a kasha ndai gaw kaja wa nan yu dat yang e masha nat na hkrang hte re mat ai da. Dan re na she shi na bai tsun shaga wa ai mung masha ga mung nrai mat na shi gaw oh nam de e sa nga mat na re na woi byin mat ai da.

Sources