Details

Latitude

25.234

Longitude

96.9165

Start Date

2016-02-04

End Date

2016-02-04

Ji woi ji wa ni a maumwi law law nga ai kaw na, nga ni shinglet n tu ai lam hpe e tsun dan na nngai. Moi shawng de Hpan Wa Ningsang Shagyit Pawt Ninghpang Chye Wa Ningchyang gaw dinghta ga hta ginding aga hta tu ma tu, ru ma ru, hkrung ma hkrung yawng hpe hpan tawn da ai hpang, shinggyim masha hpe hpan na rai yang dusat dumyeng gujiguyang ni hpe zup hpawng shaga nna dai zup hpawng shaga ai hta gaw, ya ngai shinggyim masha ngu ai mi hpan na re. Dai zup hpawng hta ga san langai mi mung san ai da. Dai ga san gaw, dai ni a matu shat lu sha gadai tai na ngu ai mi re da. Rai yang nga ni gaw anhte tai na ga ai. Tai na ga ai. Pai maga garep de pai maga na garep de nga di sen masum, hkra maga na garep maga de di sen masum di na, shalaw jahtam ai hte shinggyim masha ni a shatmai tai na ga ai, nga nna mi yin la hkam la ai da. Shanhte a ga sadi gaw si tim myi pyi n di na ga ai, myi hpaw nna si na ga ai, ngu ai mi re ai da. Dai hku nga nna yin la ma ai da. U ni mung anhte mung nga ni shatmai tai ai ni anhte mung lawm na nga ma ai. Dai hpang e hpang ningsang gaw shinggyim masha hpe hpan ai. Shinggyim masha hpe hpan ai hte maren, shinggyim masha ni gaw nga hkwi sha ma ai da. Nga hkwi sha ai shaloi madim ja ai. Madim ja ai kaw she nga ni law law wa, shang si ra ra re ai mi byin sai da. Dai majaw nga ni gaw lani mi zup hpawng dung nna, e anhte nau n na jang nli htum na re. Ya gaw hpan madu kaw sa nna ga shabai ga. Yin la ai ga sadi hpe bai lai na matu sa tsun ga nga nna mi sa tsun ai da. Sa dung yang gaw hpan madu gaw nanhte myi kalang yin la sai ga re. Ga hkum shaga ngu nna mi nga na shinglet tsut di kau ai kaw nna dai ni du hkra nga ni shinglet n tu ai da. Dai majaw moi na salang ni gaw nga ni zawn sadi run ga tsun ai ni n tai ga nga ma sai law.

Sources