Details

Latitude

25.234

Longitude

96.9165

Start Date

2017-03-10

End Date

2017-03-10

Gabaw gaw la 2 bu hkawm ai da. Shan 2 bu hkawm re she shana jan du wa yang she jan karai n du shi, shana re nga moi prat na ni gaw nam de hpun pawt hkan yup ai gaw. Re yang she oh ra la langai mi gaw e ngai gaw ka, dai kaw ka wa la na she hto hpun n tsa moi gaw nam de yup ai ni hpe sharaw gawa sha kau kau re. Sharaw gawa sha kau kau re she, ka kaw u raw zawn re kaba kaw rawng na she hpun ntsa kaw gyit noi na she dai kaw shi gaw dai kaw rawng na hpun ntsa kaw yup. Dai de gaw sharaw n lu lung sai nga ntsa kaw yup re yang oh ra la langai mi gaw bai oh ra wa hpang le, wa hpang kawa wa hpang grai kaba ai wa hpang kaw she kahtam baw na she kata kaw shang na yup na she kawa hpe masen na tawn da dai kaw yup ai da. Rai re yang shana gaw hkying 12 hkan i shana n sin e yup tung e she ndai sharaw she gawan hkawm sai le, masha (anant) masha bat manam na sha na nga na hkawm hkawm re yang she sharaw wa hto grai tsan ai kaw na gumhtawn yang she no1 na gumhtawn ai shaloi gaw dai ka hpe n hkra ai da. Kalang bai (nauksok) na she bai loi mi pay 30, 40 ram bai n gun la na bai gumhtawn yang she ganoi bai hkra. Dai kalang bai nauksok ah shain bai la na gumhtawn dai ka hpe lu a brut di la na shaw sha kau ai da. Shaw sha kau na oh ra second ngu na ndai nambat 2 hta gaw ndai oh ra wa hpang kata kaw rawng ai masha hpe sha na nga na she ndai hku manaw, n mai manaw. Gara hku n mai manaw di kata hku mung n mai shang, shi mung krawk la na shang ai re nga yang, ndai wa hpang kata de, dai she nauksong she shi na n mai rau she a nyaw bang na she ndai hku (tsan ) ai da, chyam chyam manaw bang manaw bang hto ra kata kaw rawng ai wa gaw kalang ta n mai hpe she wa hpang kaw pat kau ai le. (dabat) pat kau re yang she sharaw wa gaw hprawng n mai sai. Hprawng n mai na she e, jinghpaw hku dai wa hpang dai kawa tawng kaw she n mai hpe dumbat na gyit kau ai le. Gyit kau she sharaw wa n mai rai mat sai le. Nmai hprawng yang she oh ra dai kata kaw rawng ai wa gaw kawa hpe masen da ai le, masen da na she dai rau a nyaw hkrai a nyaw na she a nyaw sat kau ai da. A nyaw sat na yu ai shaloi jahpawt gaw shi manang wa hpe katawng kaw rawng ai wa hpe gawa sha kau ai da. Re di she ndai wa hpang kata kaw rawng ai wa gaw sharaw lu sat ai nga na masha yawng sa na sa yu mau ai da, dai re sai.

Sources