Details

Latitude

25.234

Longitude

96.9165

Start Date

2017-03-10

End Date

2017-03-10

Moi da u baw sumhpa ni nga nga ai da. Re yang she lani mi gaw u hka hte hkam hkam u ngu ai anhte hkahku ni gaw tawt hka nga hkam hkam u yen hkrum ma ai da. Dai ten hta u hka gaw a hpra san re u hka re da. Bai ndai hkam hkam u mung a hpraw san re hkam hkam u re da. Nsam bung ma ai da. Dai majaw shan gaw grai myit hkrum ai hte mung jahta nga ma ai da. Shaloi she u hka gaw hkau hkam hkam u e an u manang ni hte grau tsawm ai grai tsawm ai yen re ga ai. Ndai hta grau tsawm hkra e nsam chya la ga nga na bawng ma ai da. Mai ai le ngu hkam hkam u mung myit hkrum, gara kaw sa chya na ga ta nga she u hka gaw ngai mu ai. U chip yam daw ngu ai langai nga ai. Dai kaw sa chya ga ngu da. Re yang she kaja wa hkam hkam u hte u hka gaw lachyut hpun taw nga ai kaw sa du nna gai ndai kaw shatsawm la ga ngu shaloi gaw hkam hkam u gaw hkau u hka e ya ngai hpe shawng chya shatsawm ya rit, ngu ai shaloi kaja wa u hka gaw grai myit galu kaba ai hte hkam hkam u hpe tsawm tsawm ka ka kawk kawk i nsam hkum hkum di na chya dat ai da. Chya na ngut sai, grai tsawm sai nga jang she u hka gaw gai tsawm sai, hkau u e re yang gaw ya ngai hpe chya rit ngu shaloi hkam hkam u gaw myit magaw myit kachyi mi rawng mat ai da. Dai majaw u hka hpe hkau u hka e nang yam laing makau kaw wa dung rit ngai chya ya na ngu ai da. Kaja wa u hka gaw hkam hkam u a ga madat nna dai yam la-ing makau kaw dung nna gai ya ngai dung sai hkau chya ya rit ngu ai shaloi hkam hkam u gaw myit magaw rawng ai hte u hka hpe dai yam laing de kanawng bang kau dat na shi gaw pyen hprawng mat ai da. Pyen hprawng mat na gaw u hka hpe hkrit na pyen hprawng mat, u hka mung dai laing kaw na tsam mari lawt nna hkam hkam u hpe shachyut ndep kau dat. Dai kaw na gaw hkam hkam u gaw u hka hpe hkrit ai majaw shani n pru mat sai shana she lu sha tam sha ai da. E kade tsawm timmung kadai mung shi hpe nmu sai. Shana nsin gaw shi tam hkawm, shani gaw shi makoi nga re majaw kadai mung n mu ai. U hka gaw dai ni du hkra dai ni du hkra chyang ai gaw dai kaw na u hka chyang re nga. Hkam hkam u dai ni du hkra n htoi n pru na shana nsin she tam sha ai gaw dai u hka hpe hkrit nna re nga na dai gaw maumwi mungjun langai re.

Sources