Details

Latitude

25.234

Longitude

96.9165

Start Date

2017-03-10

End Date

2017-03-10

Transcription (Lu Hkawng) N-gu htu la wa na she nhku de n-gu lung wa wa wa re gaw mu re yang she U gaw ndai n-gu wa sha na nhku de shang wa yu yang she rawng rawng re rai yang she shinggyim masha ndai ni nhku de n-gu la shang wa re re gara kaw bang da da re ma ta ngu Gwi hpe san ai hku nga Gwi hpe san yang she Gwi gaw oh de shinggyim masha ni shat shadu na ngu na ndi kaw bang n-gu kashin la na dap kaw dun dun re she n mu i, dai mu ai, gara kaw bang da ai rai ngu she dap kaw bang da da rai ma ai ngu she, ''u'' ni gaw ya nta nhku shang jang dap ahtu, dap ahtu re dai n-gu tam ai wa rai da. Dan re ai nga dai katung sha gaw rai nga, rai yang she ndai sumtsaw sumra rai yang e, sumpra dawk nna e, num wa la hkat mat yang gaw kaning re i nga she shawng de anhte du wa langai mi hkai dan dan re dai gaw grai tsawra ai sumtsaw sumra yan she shada sumprat dawk hkat ai, num jan hpang sa re yang she la wa gaw num jan hpang sa nna she ''Hkri e na wa na la wa gaw hkum hkrang mung grai tsawm sa galu kaba sa, hpaji mung chye sa bungli mung grai kyet sa, rai tim mung shanhte gum dun wa rai ma ai da law dai, le dan kan loi mi shaw re ai, dang kan loi mi shaw re ai ngu tsun rai yang she num dai wa gaw la dai hpe ka ka re shadu mat ''Nye wa na la na ngu la wa mi dangkang shaw ai nga jang gaw kaning wa di na i'' nga num jan gaw hpang de ai sa num jan gaw kaning ngu i she num jan gaw kaning ngu ai i ngu she nang wa na la gaw shing rai ai ngu na num wa bai sa re, num jan gaw kaning ngu i she oh ra la wa hpe bai kaning ngu ai i ngu she, ''Hkau e na la na num jan gaw tsawm gaw grai tsawm sa, bungli mung grai kyet sa rai tim mung shanhte (Myo-yo) ngu ga le, gum dung rai ma ai da, dai shata htum shata si ai shana e hkyi, dangkang de hkyi jahkraw mahti sha sha re akyang nga ai'' ngu tsun dan na hku rai nga la wa mung num jan hpe ka ka shadu mat la wa mung num jan hpe ka ka shadu mat re na hpang jahtum gaw shan wa na la na ngu ai shana gaw hkungran nhtoi daw dan sa ga i nga jahkrum ai shana she, num jan mung myit htum na hku nga ''Nye madu wa dangkang shaw ai nga ai wa kaning re teng ai wa rai nga kun'' kaja wa sha madu wa n na ai hku na la wa n chye ai hku na kaja e masawp dat ai hte oh ra la wa dai kaw dum yang she ''Um ndai hkau tsun ai teng nga ai ndai hkyi jahkraw mahti sha sha re ai nga teng nga ai'' ngu she dai shana kawn sha bram re n la hkat ma ai da, dan re ma ai da. Shada sumprat dawk hkat ai ngu ai gaw hkrit ra ai ngu lam hte seng nna tsun ai re ma lu ai.

Sources