Details

Latitude

25.234

Longitude

96.9165

Start Date

2017-03-10

End Date

2017-03-10

Myikyaw ai dinggai yen dingla 2 nga ai da. Dai yen gaw kasha 1 sha lu ma ai. Kasha langai sha lu re gaw kanu yen kawa hpe grai myitsu na bau ai da. Grai myitsu na sun mung galaw, hka ja jaw, hka shin ya, lu hka ja jaw re na grai sumnum ai la kasha re da. Rai nna she shi gaw shana de re jang gaw hkaja sa ai da. Hka ja sa ai shaloi hkawhkam wa gaw shan gyam sa ai re hku nga. Shi gaw jaugawng galaw ai le, jaugawng gawng re she hka de jahkyi shan nga ni, hka lu sa ai hpe gap na matu shi gaw sa ai, re yang she dai la kasha gaw shana de hkaja taw re jang she jahkyi shan nga re sam ai ngu na hkawhkam hpe gap dat ai da. Gap dat yang ngai hpe gap ai kadai ta? ngai n nu yen n wa hpe bau ai re lo ngu tsun ai da. Dai ngu marawn nna hkawhkam wa gaw di re sa yu yang gaw la kasha wa si taw da. Re shaloi gaw kanu yen kawa hpe tam sai da. Hkawhkam wa gaw nye nu yen wa myide yen dingla hpe bau di nga ai re law, nga na marawn ai re majaw shi gaw tam nna ya nan a kasha ndai zawn re sai ngu tsun na, dinggai yen dingla gaw e an a kasha nan hpe ngai bau na ngu da i, nye hkaw de woi la nna nan hpe bau na. Nsha ai bau ai hta nna ngai grau pyaw hkra bau na ga ai ngu da. Retim mung gumgai yen dingla hpe naw madun myit law an a kasha hpe naw madun myit law ngu da, re yang she kaja wa hkawhkam wa gaw sa madun na kasha hpe a hpum na hkrap sai da shan 2. Kasha hpe a hpum na hkrap taw re jang she hkawhkam wa gaw wa gaw law n sha gaw si wa sai,. Dai majaw ngai woi wa na hkawhkam hkaw de nan hpe bau da na ngu tim n hkraw ai da. N hkraw na shan gaw kasha hpe a hpum na hkrap she hkrap, kasha hpe she jahkrung ya mi law, an a kasha n hkrung yang gaw an n mai sai law ngu hkrap she hkrap re da, hkawhkam wa gaw wa mat sai da. Wa mat re she shan gaw karai kasang a n sen ngoi ai da. Nan hpa ra myit ta? hpa rai hkrap nga mi ta ngu ai da. An gaw an a kasha nan hpa baw ra myit ta ngu da law. E nan kasha hkrung na ra ai i, ja di bu mahtang ra ai i, nan myi mu lu na mahtang ra ai i, ndai hte 3 nan lata mu ngu ai da, dai nga jang she gumgai yen dingla gaw kaning nga i nga yang an a kasha ja dibu hpai nna rawt tsap ai hpe mu mayu ga ai ngu da. Ga wa dai kaw grai hkum sai le i. Kasha gaw ja dibu hpai nna rawt nna tsap na hkrung na, shan mung mu mayu ai bai ngu re jang she myi mung mu lu, kasha e mung hkrung wa ja di bu hpai na rawt wa ai da.

Sources