Details

Latitude

25.234

Longitude

96.9165

Start Date

2017-03-07

End Date

2017-03-07

Mare mying pru wa ai hte seng na ndai shawng nga ai kaji gawoi ni hkai dan ai anhte u lawk mare a mabau hpe kachyi mi hkai dan mayu ai, tsun dan mayu ai hku re. Hpa baw re na u lawk ngu na shamying ai i nga yang gumgai dingla ni hkai dan ai gaw, tsun dan ai gaw u lawk ngu gaw u lawk hka kaw e nga madim dim ai nga nau law ai majaw di hkan ne e bang ai yawng gaw nga n dang sha mat ai majaw di hkan byet hkrai hkrai rai mat wa ai majaw ndai myen ni wa u lawk, Oh ra byet law ai ngu ga le. Myen ga hku nga yang gaw byet di kaw yawng byet rawng ma ai. Ma ai majaw u lawk ngu shamying ai da. Myi na mare mying gaw ndai u lawk dumhpauk nawng leng mare (nat - in) mare nga na shamying ai. Dai nga nau law ai majaw u lawk mare ngu na shamying ai. Shamying ai kaw she dai mare kaw na moi na gumchying gumsa du ni lahpai ni ngu ai ni woi de wa ai mare re da. Woi de wa re yang she dai kaw na gumchying gumsa du ni mare du wa gaw mayam lu ai da. Mayam wa gaw dai mare du wa a madu jan hpe ra wa, re majaw mare du wa gaw dai mayam wa hpe e lahpa htu na du kahtam di bang ai da. Du kahtam di bang yang e dai du baw hte wa she lup hka grup re na myi na baw kaw bai wa shachyawp na dung nga ai da. Dung nga re yang she dai mare du wa gaw grai myit yu ai da. Bai myit yu re she ndai masha ndai mayam ni gaw kaja ai magam bungli gaw galaw nga ai. Ngai madaw she n kaja nga ai ngu na dai shani na ndai lahpai ni gaw n dai u lawk mare kaw shani sha pyi n gun sha mai ai mare lu mat ai. Dai mare kaw nga ai lahpai ni gaw lahpai gaw lusha hta grai ningra wa ai. N lu sha wa ai nga hpe na lu ai. Dai mayam lahpai wa hpe e du kahtam di sat kau ai majaw dai mare kaw lahpai ni shani shat pyi nmai sha ai shara re nga na hkai dan ma ai. Dai u lawk mare byin wa ai gaw dai nga nau law ai majaw di kaw nga bang ai kaw e byet hkrai hkrai rai wa ai majaw myen ni u lawk hku shamying kau ai. Ya anhte gaw u lawk ngu na shamying ai. Mare re ngu na tsun dan lu ai, hkai dan lu ai.

Sources