Details

Latitude

25.234

Longitude

96.9165

Start Date

2017-02-25

End Date

2017-02-25

Moi shawng de mare langai mi kaw da jahkai sha shi hkra sha nga ai da. Shi gaw da bum yi galaw sha na sha nga ai da. Bum yi galaw na shi kan bau bungli hpe shi galaw ai da shi shani shagu bum yi manang ni pyaw ai zaw re shi n lu pyaw ai da yi galaw sha yi chyu galaw sha na nga yang she da lani mi hta shi shi na yi shawng kaw hpun kaba law ai nga ai da. Hpun kaba law nga dai kaw shi shani bungli grai ba na dai kaw hkring la la re ai da. Shani shagu hkring la la re she mi na nhtoi na shi gaw dai yi dai hpe bungli galaw ngut na she grai ba na she dai yi dai shi yi shawng kaw nga ai hpun kaba kaw she sa yup taw ai da. Sa yup taw re she e u tsip tsip ai mu dat she u tsip tsip ai shaloi she e oh ra kaw lama mi gaw rawng na re udi rawng kun ngu na she hpun grai tsaw ai kaw lung ai da. Lung na u tsip dai hpe yu she udi langai mi rawng taw ai da. Dai udi hpe she shi la na she nta de la mat wa ai da. Nta de la mat wa re na she shi na nhku garap kaw wa mara da ai da. Garap kaw wa mara da re she shi gaw dai udi hpe n sha kau ai sha garap kaw mara da re na she hpang shani re yang bungli bai sa mat wa ai da. bungli sa mat wa re yang she shana de wa da wa rai yang she udi hpe wa u sha kau na i ngu na she chye n sha na re ngu na she mara kau da da. Hpang shani shi bungli bai sa mat wa re yang she bai wa yang she shi grai ba na wa yang she udi kaw na grai tsawm ai shayi sha she pru wa da. Pru wa na she garap kaw na ga pru wa she shat ni yawng shadu da ya ai da. Shat ni yawng hka ni yawng ja na she yawng lu jing da ya re na she saboi kaw hkyen da da sha na ri hkyen da ya re na she dai la kasha bai wa jang shi udi bai shang mat ai da. Shang mat re na she la kasha dai bai wa sai da wa re she shang wa yu mi nta kaw wa hkrum rawng taw re na she kajawng mat na she ya nye nta kaw lagut shang ai i hpa shang ai ngu na shang wa yu yang she saboi kaw wa dung na ri ri shi sha ni ri ri galaw da ya ai da. Shi mau mat ai da mau mat na she sha kau ai da shi sha kau na hpang shani shi bai sa mat ai da. Bai sa mat na dai na bai shi galaw da na kun n galaw da na kun chyawm yu ga ngu na shi bai sa mat wa hpang shani mung bai wa yang mung dai hku bai galaw da ya ai da. Um masum lang ngu na hta she shi gaw ndai gaw lama ma gaw rai sai dai ni gaw ngai bawnu shawng ya sai ngai lagu yu na yi sa masu na mi shi dai shani yi sa mat wa ai da. Yi sa mat wa re yang she e dai ni gaw ngai she hkap chyaw ya sai ngu ti na e shi na nta jahpum kaw she lagu yu taw ai da. Lagu yu taw re yang she e shana de du wa jang she num dai wa shi udi kaw na ga pru wa re na she bungli bai galaw taw she shi mu ai da. Mu mat re na she gara hku ma udi kawp ndai hta zing kau ra sai ngu na she hta na she e makoi kau ya ai da. Udi shi na ga ding pok hku shang wa na she udi kawp hpe she la na she hpai kau ya ai da. Hpai kau she e ahemm ahemm ngu na she shi nta de shang wa masu su ai da. Shang wa re bungli na wa masu su na shang wa re yang she num dai gaw udi kawp n mu mat re na she jahkum kaw makoi taw ai da. Shi na chyinhka lam kaw makoi taw she nang gara kaw na ndai hku nye nta du sa wa ai rai ngu san yang she ngai udi kaw na re nang hpe garum na matu na nta kaw ngai du shang wa ai re ngu tsun yang she shi gaw ndai udi kawp hpe shi htum kaw htu mani kaw na shang yang pyaw pyaw dai hku de mat wa ai da.

Sources