Details

Latitude

25.234

Longitude

96.9165

Start Date

2017-02-25

End Date

2017-02-25

Moi shawng e da kahtawng langai mi kaw she da grai lusu jahte ai hkan nu wa ni nga ai da. Dai she dai hkan nu wa ni nga ai shaloi she da shi kasha hpe gaw laika mung n sharing hku da a gara mung n sa shangu da hpa mung sharing hku re dai re nga ai da. Dang re nga taw ai shaloi she da ma dai mung kanu kawa ni lu ai re nga gaw kam ai hku hpa da da u ni htawn hkat shangu dan re na she shi gaw mare kaw pyaw tsa ni lu dang re na she pyaw na nga ai da. Pyaw na nga re ai shaloi she da shi gaw dang re nga taw re ai shaloi shi gaw ngai gaw laika hpaji nchye tim nye nu nye wa ni grai lusu ai laika hpaji nchye tim n ra ai dang re ngu na dai hku nga myit ti na she nga hkawm ai da. Nga hkawm re ai shaloi she da a kaga mare kaw na htawt wa ai shanhte mare kaw htawt wa ai la kasha langai mi gaw da dai la gaw dai ma hpe she ngun jaw ai da. Yi nang gaw da grai lusu grai lauban ai i nang hpe nang hpang de da nanhte kaw da ngai shang na yaw da ngai ma nanhte zawn zawn re hkan nan na nanhte kaw hkan nan na hpai da da mayu ai hkan nan na ngu dai hku ngu tsun ai da. Dai hku ngu tsun ai shaloi she da e rai jang gaw mai ai le ngu na shanhte ni zahpaw la ti na she shanhte ni gaw wawm hkawm ai da. Hpai da ni da hkawm dai re na she pyaw hkrai pyaw na nga ai da. Dai she oh ra mare kaw na htawt wa dai kaw na ma wa na kanu gaw da ma e nang dang re n kaja ai ni lusu jahte ai ni hte kanawng ai dang re ai ni gaw hteng wa ai ngu tsun ai da. Dai hku ngu tsun dai ma gaw nu e da anhte na manang gaw kade she kaja i da lu mung lusu ai da anhte hpa lu hpa sha na i yawng jaw ai da shi gaw myitsu ai ngu dai hku kanu hpe ga htang ai da. Kanu wa mung kasha hpe tsun n lu na dai hku dak da ai da. Dai hku dak da re she kaga mare kaw na she bai dai mare bai langai mi bai htawt wa ai da. La kasha langai mi hkan nu ni bai htawt wa re ai shaloi she dai la kasha wa gaw da dai miyet na n kaja ai ni hte n kanawng ai da shi gaw n kanawng shi hkra laga san san shanhte hpe mu yang pi n shaga ai laga san san nga ai da. Dan re nga ai shaloi she da dai hku nga ai da. Dai hku nga re ai shaloi she da shanhte oh ra miyet na n kaja ai la kasha ni gaw da laga mare de bai hpai da sa da u sa taw i u sa achyet hkat shangu ai da. Sa achyet hkat shangu ai shaloi da dai u achyet hkat shangu ai kaw shanhte gaw sum na hku nga shanhte ni gaw sum re ai shaloi she da shanhte ni laga oh ra laga mare kaw na dai la ni hte adup hkat wa ai da. Adup hkat wa na dai mare kaw na sha marai lahkawng kalang ta nhtu hte galung sat kau ai da. Shanhte nhkri hte galung sat kau re ai shaloi she da a shanhte dai shaloi she kajawng na hku nga kajawng re ai shaloi she shi hpe gaw hpyen la ni sa rim la ai da. Sa rim la na she hkyut kaw bang da ai da. Hkyut kaw bang da re ai shaloi she a shanhte gaw dai shaloi she myit malai ai da. Aw n kaja ai galaw yang gaw ndai hku byin a hka ngu na myit malai ai da. Miyet na shanhte n kau ai tsang tsang nga ai dai la wa gaw da hpa mung n hkrum ai sha hpa mung n byin ai sha shi hkra apyaw sha lu nga ai da.

Sources