Details

Latitude

25.234

Longitude

96.9165

Start Date

2017-02-25

End Date

2017-02-25

Moi shawng ye da dai mare langai kaw sha da shang yan hkawng manang lahkawng nga ai da. Num kasha lahkawng nga ai da num kasha lahkawng nga ai shaloi she da dai num kasha wa gaw langai mi wa gaw da e manang e da an lahkawng gaw da matsan ai da ndang re lani mi tam lani mi sha hte sha gara hkru na da ngai gaw grai lu su mayu ai law ngai gaw grai lusu dang re kaw she nga mayu sai law ngai mawdaw ni hte i dang re ja gumhpraw law law ni hte kam sha ai sha di re na hkru hkru hpying hpying re na ngai nga mayu sai law ngu tsuna ai da. Dai hku ngu tsun she manang langai mi gaw da i nga gaw da ndai lu ai hpe sha lu nga yang gaw ngai gaw myit dik sai da. E lu ai hte htap htuk hkra buhpun e lu ai hte sha hkru hkra sha na nga yang ngai myit dik sai law ngu tsun ai da. Dai shaloi da lani mi na dai shanhte dai miyet la lu mayu ai num kasha wa gaw da kaga mare kaw na la langai mi hte la kau ai da. La na grai lusu jahte ai dai la wa hpe la ai da. La re shaloi she da shi gaw nga sai da atsa daw gaw grai pyaw hkra nga re ai shaloi she da dai la wa gaw da dai shi la da ai num dai num wa gaw shi la da ai la wa na num kaji she wa ang taw ai da. Num kaji she wa ang hpang e num kaji she wa ang taw ai shaloi shi gaw aw grai myit n pyaw ai da shi gaw shi hkrai sha bai nga re shi hkrai sha myit kaji gareng re na bai nga ra ai da. Miyet na matsan num kasha wa gaw da shi na i shanhte mare kaw sha bungli rau galaw ai kaw na la langai hpe la na she shi gaw shang lahkawng yan gaw shakut shang lahkawng lu ai ja gumhpraw hpe tam tam tam re na mahkawng da mahkawng da re lu ai ja gumhpraw ni hpe she mahkawng na shang lahkawng gaw da nta kaja ai mari la shachyawt la di na shang lahkawng gaw da grai pyaw hkra nga ai da. Miyet na lusu mayu ai num kasha wa gaw da shi hkra sha myit kaji gareng re na nga mat ra ai da.

Sources