Details

Latitude

25.234

Longitude

96.9165

Start Date

2017-02-25

End Date

2017-02-25

Moi shawng ye kahtawng langai mi kaw she da grai lu ai ja gumhpraw ni grai lu ai shi dai la langai mi nga ai da. Dai la wa gaw da dai grai lu tim shi gaw grai maji ai da. Maji grai maji ai da grai maji na she shi gaw nga nga nga re ai shaloi she da shi nta kaw she da shi woi nga ai la langai mi ma nga ai da. Dai la kasha wa gaw grai myit su ai da. Grai myitsu na she manang ni hpe rai tim shi gaw grai chye tsawra ai da. Grai chye tsawra na shanhte gaw nga ai da. Dai hku re nga ai shaloi she da lani mi na aten hta she da shanhte nta kaw she da dai garum hpyi sa ai ni nga ai da. Garum hpyi sa ni nga ai shaloi she da shi dai lusu zahte ai dingla wa gaw da shi gaw n nga ai ngu tsun u ngu tsun ai da. Dai shi nta woi nga ai la dai hpe dai hku ngu tsun shangu ai da. Dai la kasha wa gaw lauban wa n nga ai ngu tsun ai da e rai jang gaw hpabaw garum ya na rai ngu tsun ai da. E i anhte ndai hku i garum hpyi sa ai re ngu tsun ai da. Dai hku ngu tsun ai shaloi she rai jang gaw ngai lu ai hpe nang hpe jaw dat na yaw ngu ai da. Rai na she shi lu ai ja gumhpraw ni shi makoi da ai dan re ai ni shat ni dan re ni jaw sha dat ai da. Jaw sha dat re ai shaloi she da e lani mi dai lauban wa gaw lauban wa gaw tsun ai da. Lauban wa gaw tsun ai shaloi she e rai jang gaw nang gaw ngai nang nang sha na shat hpe da nang manang ni hpe jaw kau dat ai gaw da e manang ni hpe jaw kau dat ai gaw da nang ya gaw shat ngat u nang gaw dai hpawt na matu nanang shat hkum sha sa nang shat ngat hpa mung hkum galaw aw hpa mung hkum sha sa bungli sha galaw nga u ngu tsun ai da. Dai hku ngu tsun ai shaloi dai shi nta nga ai mayam la wa gaw mai ai le ngai shat dami sha n sha ai gaw ngai nsi wa ai da manang ni hpe jaw sha ai manang ni hpe garum ai gaw da kaja lam she re gaw da ngai si mat tim hpa n ra ngu dai hku ngu ni tsun ai da. Dai hku ngu tsun na shi gaw dai hku nga ai da. Nga re na she lauban wa gaw dai hku ngu shi nta mayam la hpe pawt na pru wa ai da. Pru wa re na pru wa ai shaloi she da dai shi pru wa ai shawng kaw she da tingsi ju la ai da. Lagaw tingsi ju la na shi gaw dai tingsi ju la ai nma hkan ni machyi na shi gaw kawut machyi na yup ra kaw tawn nga ai da. Lani mi na aten hta yup ra kaw tawn nga na she lani mi gaw si mat wa ai da. Shi si mat wa re ai shaloi she da shi gaw oh sumsin mungdan kaw du re ai shaloi shi gaw ngarai mung de hkrat mat ai da. Ngarai mung de shang mat re ai shaloi da shi dinghta ga ntsa naw nga yang shi gaw kadai hpe mung jaw sha ai lam n nga shi na shi hkra nga re dang re n kaja lam ni galaw ai re majaw da shi gaw ngarai mung de shang mat ai da. Rai na she dai lauban wa na ja gumhpraw dang re ni hpe gaw da dai shi nta nga ai mayam la wa bai mayam la wa bai lu na she nga taw ai da. Nga taw ai shaloi she dai mayam la wa mung lauban byin mat ai da. Lauban byin mat na she shi gaw da dang re byin mat ai lauban byin mat ai rai tim mung htingbu htingpye ni jinghku jingyu ni dang re sa garum hpyi ai yawng hpe bai garang jaw garang jaw re shi gaw mai kaja lam ni dai hku galaw galaw galaw ai da. Galaw na shi mung asak aprat ram wa na dingla wa na si mat wa ai shaloi mung da shi gaw sumsin mungdan du mat wa ai da. Sumsin mungdan du mat wa re ai shaloi she da shi gaw oh mare kaw naw nga ai shaloi gaw shi gaw dinghta ga naw nga ai shaloi gaw shi gaw kaja lam ni galaw shi pi n sha hkra manang hpe garum kahtau re dang re re majaw da shi gaw si mat wa shaloi tim da sumsing mungdan kaw lu shang lu ai da.

Sources