Details

Latitude

25.234

Longitude

96.9165

Start Date

2017-02-25

End Date

2017-02-25

Moi shawng ye da mare langai mi nga ai da. Dai mare kaw she da dingla langai mi nga ai da. Dingla langai mi dai dingla gaw da hkan hkyin gau dang re kaw sha nga ai da. Hka hkyin gau dang re kaw she nga ai shaloi da shi gaw grai matsang ai da. Shi dingla dai gaw grai matsang ai da dingla rai tim shi gaw machye machyan myit htauli htaula grai nga ai da yaw shi gaw mahkrum madup ni grai nga ai da dai dingla gaw grai nga she dai dingla wa na ga hpe gaw dai mare kaw na ma masha kaba nga tim mung kadai mung n kam ya ai da. Kadai mung n kam e shi tsun ai ga hpe mung kadai n kam ya dingla ndai hpa she hkan jawp taw ai kun e ga ga nau tu ai dingla ndai ngu dai hku ngu tsun ai da dai hku ngu ni tsun na she da lani mi na aten hta da shi gaw aw mare kaw na nga hkwi sha ai la ni gaw da nga hkwi sha rawt wa na re ai shaloi set le jawng ti na nga hkwi sha rawt wa na hkali jawng re ai shaloi nga hkwi sha rawt wa na hkye ai shaloi da dingla dai gaw hkan tsun ai da. Um e ma ni e da dai na de jan n shang shi yang lawang wa mu yaw da dai na de jan shang yang wa yang gaw da n dai anhte nga ai ndai zaibwi ndai hkan ni ndai hkring gaun hkan ni yawng hka hpyi ma na re dai majaw jan n shang shi yang wa mu yaw ma ni e ngu tsun ai da. Dai shaloi she dai shanhte nga hkwi sha na re ai kaw na la langai mi wa she dingla nang mung jahpawt jau jau hpa ga ni hkan shaga n kaja ai ga ni hkum hkan shaga dat ngu na dai hku ngu tsun ga sha htang kau da na shanhte gaw rai mat wa ai da. Rai mat wa re ai shaloi she shana de du na bai wa ai da. Bai wa re ai shaloi she shanhte wa ai gaw jan shang mat ai da. Jan shang mat ai shaloi wa ang ai re nga gaw shanhte ni gaw e shanhte wa ai shaloi shi nta na madu jan ni ma ni e grai kabu gara hte tau la hkap tau la da. Dai nga hkwi shabrang dingla ni hpe hkap tau la shaloi gaw da dingla wa gaw da e jan du sai ndai ni wa ai jan du sai ya gaw nbung laru kaba hka leng kaba ni hta wa sa na dai re ai majaw ngai gara hku shanhte na asak hpe gara hku hkyen na kun ngu na myit ai da. Myit re ai shaloi ngai ndai kawng ntsa kaw na marawng yang mung shanhte na na n re nye ga mung madat ya na nre rai jang gaw ngai gara hku shanhte na asak hpe hkye na kun ngu myit ai shaloi she da dai dingla gaw dai shanhte mare kaw na nta sha shep dang re ni hpe nta nta n kaja mat sai nta bret bret re ai dang re ni hpe wan nat dat ai da. Wan nat dat ai shaloi she da oh hka kau kaw nga taw nga ai e mi ye na nga hkwi la ni hte nta masha ni gaw mu ai da. Oh anhte na mare wan hkru taw sai lawang wa yang she mai sai ngu na she kalang ta gat lung wa ai da. Gat lung wa ai shaloi oh kawng ntsa kaw du ai hte she kalang ta shanhte nga ai miyet nga taw nga hka hkyingau hkan ni she kalang ta hka leng ni hta wa nbung laru kaba ni bung wa shaloi she da dai shaloi she shanhte mau ai da. Mau mat na she aw anhte na sak hpe hkye ai e dwila gaw da grai myit kaja nga hka da anhte shi na ga hpe ganoi n madat kau da shi ga she n madat kau yang gaw anhte si lawm mat wa sai ngu na dai kaw na she dingla wa hpe shanhte ni kawa aya kaw mung tawng kawa shara kaw mung tawng ti na she grai pyaw hkra bai nga mat ai da shanhte ni

Sources