Details

Latitude

25.234

Longitude

96.9165

Start Date

2017-02-25

End Date

2017-02-25

Moi da ndai nat jawng prat hta rai na hku nga hkan ma naw ngu nga ai da. Shi gaw nat jaw kaba re ai da. Nat jaw kaba na shi gaw nat jaw jaw na nga nkau kau re gaw dai nat jaw jaw ngut tim dai nat wa hpyi ai hpe gaw jaw na hku nga jaw re dai um lahtaw ngu ai hkan nu wa ni she hkanhte ni gaw shi kasha grai machyi ai da. Shi kasha grai machyi si mat myu htum wa sai da dai kaw hkan nu wa ni masum sha nga mat sai da dai shaloi she sa shaga na hku nga sa shaga na she nat jaw jaw ya rit lo ngu na hku nga she shamai ya rit law shamai yang hpa hpyi yang hpa jaw na ngu tsun ai da. Dai shaloi shi gaw nat jaw jaw shaba jaw na yu ai shaloi gaw kaja wa nang nat she galaw da ai mu ai re majaw shi nat ni kaw she bau hpyi ai da. Shi hkanbau hpyi ai da dai shaloi shi gaw tsun ai da nanhte ndai mai wa jang gaw nanhte hkanbau jaw ra ai yaw ngu tsun na hku nga dai hku tsun na she shi gaw tsi ya sai da. Tsi tsi tsi nat jaw jaw na tsi ai shaloi gaw mai mat sai da. Mai mat na she dai bau hpe hpyi ai shaloi gaw htaning jaw na bai la htaning jaw na bai la lahkawng ning masum ning nga ai hte gaw da dai ndai nat jaw dingla wa machyi wa na hku nga hkanhte gaw n jaw na she machyi wa nta masha ni wa yu yang gaw aw nhka mun pi n tu ai wa ndai hku nhka mun masawp nga na hku nga masawp nga masawp nga dang re na she lahkawng masum ning nga ai hte she hkanhte dai bau n jaw dat she dingla dai wa gaw tsun wa sai da. Nanhte ni ga sadi n ten ai i shinggyim masha ni dang re ai majaw ya ngai wa ra sai ngai ndai kaw n mai nga sai ngu na tsun ai da. Dai shaloi shi dai hku tsun na she shi nta masha ni hpe htet kau da ai da. Nanhte dai bau hpe htaw hpang sha ni rai tim mung ngai n nga mat ai sha ni rai tim mung bau dai gaw hpyi mu yaw ngu na tsun kau da ai wa ya dai ni du hkra bau dai hpe n jaw ai da. Hkan ma naw gaw si mat wa sai.

Sources