Details

Latitude

25.234

Longitude

96.9165

Start Date

2017-02-25

End Date

2017-02-25

Moi shawng de ndai nam kaw masha kadung ngu ai magun grai ja ai masha kadung ngu nga ai da. Shi gaw buhpun palawng mung n hpun ai n-gun grai ja ai shi gaw ga ma gaw n chye shaga ai shanhte dai re nga re yisung hkauna galaw sha ndai yi hkan ni yi yup yup yi rawng rawng re na shat ni sihtu ni yawng la sha kau kau re kadai la sha ai gaw n chye shada da sha dai hku shadu hkat ga law hkat re na nga ai da. Dai hku nga re ai shaloi she lani mi na nhtoi hta ndai la ma mi rai sai law anhte na ndai hku sha ni shagu sa sha kau ai gaw ndai gaw shada da lagu sha hkat ai gaw n rai sai ngu na hkanhte ni lagu yu ai da. Lagu yu ai shaloi she sa wa sai da kadai n nga ai ten hta sa wa sa lagu sha sai da. Sa lagu sha re dai hku nga nga ai shaloi she lani mi na nhtoi hta gaw da miwa ni ndai de hpun galaw na matu shang wa ai a. Miwa ni hpun galaw na matu shang wa na she hkanhte gaw maling kaw nga sai da. Nga na she dai hku sha ni shat sha na matu shanhte shadu kau da hpun bai sa yet bai wa yang gaw shat gaw n nga mat e lahkawng masum ya dai hku byin ai shaloi gaw miwa ni gaw ndai gaw lama mi she rai sai hpa tim anhte rim ga ngu na she shanhte ni gaw shat shadu na she shat kaw she matsin bang matsin bang na she tsa pa pa tsa pa pa na she dai kaw kalang ta she um tsa pa pa tsa pa byin ai hte she tawn da na hku nga hkanhte tawn da na shanhte yawng hkra nam de shang mat ai da. Nam de shang mat na she rim na matu rai ma kalang ta lawm na hku nga shanhte ni dai hku rai na she hkanhte ni yu nga ai shaloi gaw sa wa sai da lo sa wa sha sai da lapai lahkra sha sha re na she shi gaw hpang jahtum tsa pa naw sha na shi gaw nan mat na hku nga nan mat ai hte she oh ra ni gaw kalang ta shang rim na hku nga shi hpe rim na she ndai singawn hte hpri singawn hte rim na she kalang ta she mawdaw ntsa bang mat wa ai da. Miwa ni dai shani kaw na ya shanhte ni dai wa hpe lu la ai hte hpun ni mung n galaw sai hkanhte ni kalang ta miwa ga de htaw mat wa ai da.

Sources