Details

Latitude

25.234

Longitude

96.9165

Start Date

2017-02-25

End Date

2017-02-25

Moi da danai kyinsa lawt ngu ai kaw ndai ma lahkawng lu ai hkan nu wa ni nga ai da. Ma gaw la kasha lahkawng re ai da. Shang nu wa ni gaw da ndai kyin sa lawt kaw na oh ra kaw hkauna galaw ai da. Madu wa gaw kan-ni ya re da grai zin ri ai madu jan hpe grai zin ri re na she madu jan mung grai hkam sharang grai hkam sharang ai da. Rai tim ma nau zin ri wa na she shi gaw galoi mung nhtu garan ai da. Nhtu garan nga dai kaw she lani mi na nhtoi hta shi nau zin ri ai ndam hkam na she shi shi madu wa hpe shi kahtam sat kau ai da. Kahtam sat kau na she shi gaw ashan dai tawt nga na hku nga kasha ni hpe mung hkum tsun nga shadung tawn da kawa a baw hpe mung prut ye she dai ntsin hpe mung kaja ni hpe mung jaw lu da. Dai shang tawt nga yang she masha ni hkauna htingbu ni na na hku nga na na she e hpa baw galaw nga mi ta ngu tsun ai shaloi she she e ning e hpa ta ngu she chye dai kaw na n gu wa arai jahkyi zaunyi lu na tawt nga ga ai gaw ye kaji sha gaw e ngu na hku nga dai num jan mung dai hku sha san na she shi mung da bai danai de bai wa mat ai da. Wa mat ai shaloi she dai shan hpe mung jahkri dik kau sai dik kau re kadai mung n chye ai da. Dik kau na she dai shi dai jahkri hpe gaw danai gat kaw bai wa dut ai da. Danai gat kaw wa dut ai shaloi she jahkri dai shan ni gaw ndai myen hpyen dap ni gaw um dap 16 re myen hpyen dap ni gaw manu grai paw ngu na she hpyen la ni hpe shadu jaw na matu mari wa ai da shan wa re na she shi gaw hkanhte ni gaw shadu re ai shaloi she hpyen la ni hpe garan ya re ai shaloi she hpyen la langai mi wa kaw she ta ndai yungnu wa lawm wa na hku nga. Dai shaloi she e du wa e dai ni na ndai shan gaw masha shan she rai sam ai lo nan ndai ata she lawm wa nga ai lo gara hku di na kun ngu ai da. Dai shaloi she e ndai ndai gaw n rai sai dai hpawt dut ai num jan hpe hkan ra sai ngu na she shanhte hkan sagawn ai shaloi she nta kaw mung n nga ai da. Hkan nu ni gaw hkauna kaw she nga na hku nga hkauna kaw nga re na she sa shaga sai da. Sa shaga sa shaga yang mung kasha ni hpe san yang mung nchye n re ai sha ngu ningdan da. Dai madu jan hpe san yang mung n chye ai nam hkawm hkawm mat ai hkrai ngu da. Dai shaloi she gara hku n chye di na she dai danai na mare salang ni she um kalang na nat jaw jaw na she shaga dat ai shaloi gaw da shi na pungkum hpe da langu hpun kata kaw lup da na hku nga dai pungkum dai wa pru wa ai da. Pru wa ai shaloi she gara hku tim ndai num dai sat ai rai sai ngu na she num dai hpe rim na she a ma dai yan lahkawng hpe ma salang ni woi na she ma yan hpe asaw na san nan nau hpe hpa n di ai ngu na atsawm na san ai shaloi da magam wa gaw tsun ai da. Ah nu wa hpe ning hku di na kanni nan taw nga ai kaw dukrung kaw na nhtu hte kahtam na sat kau ai re ngu tsun ai majaw num dai gaw da myitkyin htawng kaw prat tup htawng rawng na dai kaw si mat ai da.

Sources