Details

Latitude

25.234

Longitude

96.9165

Start Date

2017-02-25

End Date

2017-02-25

Moi shawng ye da ah la lahkawng nga ai da. Ah la lahkawng gaw dai jaupu rai na hku nga nam jaupu shan gap ai jaupu yang rai na hku nga dai she shang yan lahkawng gaw lani hte lani shang yan shan gap na she langai wa gaw lu wa langai wa gaw n lu dan re ti shanhte gaw jawm hpra sha re na she nga nna nga taw nga ai ten hta she lani mi na nhtoi hta gaw da hkan yan gaw nam hkawm hkawm mat wa re she nam grai tsang ai de du mat wa na she hkan yan lam dam mat wa ai da. Lam dam mat wa ai shaloi she hkan yan lahkawng gaw e dai na gara yup na ta ngu yang she oh langai mi gaw lupba kawng kaw yup ga le langai mi gaw ayi ngai gaw lupba kawng kaw n yup gwi ai lu ngai grai grai hkrit ai ngu na tsun ai da. Dai hku tsun re ai shaloi she dai shara kaw gaw magwi nam magwi grai n hkru n kaja ai magwi ni nga na hku nga magwi dai ni nga re she gara hku di na hkun ngu she oh ra langai mi gaw yi ngai gaw um hpun ndung kaw she yup na lu ngu da. E ngai gaw hpun ndung kaw n lu lung ai dai majaw ngai gaw npu kaw she yup na sam sai ngu hkan yan lahkawng dai shana nsin naw sin mat re na she dai hku re na lam kaw dai hku yup mat wa ai da. Yup mat wa yup tung du wa ai shaloi she gaw magwi dai ni gaw sa wa sai da lo sa wa na she npu kaw wa na hpe shawng agrin zin ri na sat kau sat kau dai npu na wa mung kahkau hpe hkye la rit ngu na she hpun de mahkyit mahkyit mahkyit ai da. Ting oh ra wa mung shi mung hkrit ai re nga ndung kaw nga hpang e dai mahkyit ai wa gaw si mat ai. Si mat ai hpang e shi gaw ndung kaw na wa gaw magwi ni shi a ndai hpun hpe kanawng kadawng hkye sai da. Shi gaw marawng ai da nan mare de na na matu hkye la mi law je la mit lo marawng ai da. Marawng marawng marawng let she shi marawng let si mat na hku nga si mat re she dai magwi ni hpe shi hpe kayet sat kau da. Si mat ai hpang she shi gaw galang manya tai mat ai da. Dai majaw ya galagn manya grai n ngoi shi yang hpun pawt kaw shawng gut gut gut nga ngoi ai dai kaw npu na wa mahkyit ai nsen re da.

Sources