Details

Latitude

25.234

Longitude

96.9165

Start Date

2017-02-25

End Date

2017-02-25

Moi da maling shalawng langai mi kaw e dusat amyu tsawm ra mi hkum hkra nga ai da. Dai maling shalawng kaw gaw shayit hka ngu ma nga ai da. Rai na she hkashi kasha langai mi ma nga ai da. Dai hkashi kasha hte dai shayit kaw gaw e ndai shannga zawn re ai ni jahkyi zawn re ai ni dai kaw e ya zawn re ai ni dai kaw shayit hka lu ma ai da. Nkau mi gaw dai hkashi kaw hka sa lu lu re ma ai da. Lani mi na nhtoi gaw dai jahkrawn hte sagu kasha wa she da dai hkashi kaw hka sa lu hkrum ai da. Hka sa lu hkrum re yang she jahkrawn gaw htaw lahta de lu nga ai da. Rai na sagu kasha gaw nan lawu de shi hte grai tsan ai kaw she shi hka sa lu ai da. Shaloi she dai jahkrawn gaw sagu kasha hpe rim sha mayu ai majaw hey sagu kasha nang hpe rai na ngai sa lu ai hka kaw sa lu nga ai ta na hka nan de hkanu wa ai ngu tsun ai da. Shaloi jang she sagu kasha gaw jinghku jahkrawn re ngai gaw na lawu kaw she nan hte grai tsan ai lawu kaw she ngai sa lu ai kaning re na ngai sa lu ai hka wa nang hpang de hkanu lung wa na re ta ngu na tsun ai da. Hpa hkum tsun nang dai ni ngai lu nga ai hkashi kaw nang sa lu ai majaw nang lu ai nang sa hkanu ai hka gaw ngai hpang de lung wa ai re majaw dai ni nang nye a shat tai ra na re ngu tsun ai da. Um sagu kasha grai tauban ai da. Jinghku jahkrawn e dai ni gaw nye asak sha gaw naw shalawt rit ngai hpang de gaw nang hte hkrum jang mung ngai ndai kaw hka n sa lu na nngai e ngu na tsun ai da. Shaloi jang she nang hpa nga nga dai ni na mung hkum tsun hpawt ni na mung hkum tsun hpang de na mung nang hkum tsun ngu na tsun ai da. Rai gaw dai hku tsun hkat tsun hkat re jang she e sagu kasha gaw jahkrawn la hpe e ga ndan kau dat ai majaw dai jahkrawn wa gaw sagu kasha hpe e gawa sha kau mat ai da. Htum sai mau mwi.

Sources