Details

Latitude

25.234

Longitude

96.9165

Start Date

2017-02-24

End Date

2017-02-24

Moi mare kasha makau na hka kaba langai mi a oh ra hkrang maling langai kaw e woi langai mi gaw ma-un hpun maling kaw nga re na she dai ma-un hpun maling kaw e ma-un hpun kaw lung dat yu dat re na dai maling kaw hkrai gin hkrang na nga chyai re da. Shi nga chyai ai shaloi lagawn jang gaw shi dai lung ai kaw na ma-un si ni hpe di kabai jahkat re na nga chyai hku rai nga dai she shi grai le hka kaba kaw na hkanse shi grai hkau ai manang hpe e um kalang mi gaw dai ma-un hpun ma-un si di la na she hkanse hpe kabai dat ai da. Kabai dat jang she hkanse gaw ma-un si dai la na she shi nga shi madu jan nga ai shara de wa re na she madu jan hpe sa jaw ai da. Madu jan gaw dai ma-un si ga sha na she agar ndai nam si gaw gara kaw na la wa ai ta ngu san ai da. Oh ngai grai kau ai nye manang wa woi jaw dat ai re ngu tsun jan she ndai ma-un namsi madai ram ting mu ai wa ya ndai namsi ndai hpe e ayan sha na nga nga re wa a salum gaw grai tsawm na re grai mu mu mung grai mu tsawm mung grai tsawm na re nde sha yang pi nde mu ai wa ngu na she ngai ndai wa a salum hpe sha mayu nngai ngu tsun she dai madu wa hkanse gaw e kanan na mai na kun e ngu na tsun da. Rai tim madu jan gaw madu jan hkanse gaw sha atsun nga da. Sha ni sha gu ndai nam si ram mu ai wa ndai namsi ayan sha na nga ai wa gaw grai tsawm na re ngai shi salum hpe sha mayu ai sha a ngu nga na she lani mi hta gaw shi myit yu sai da. Madu wa hkanse gaw nye madu jan ndai wa mi she tsun ai gaw sa tsun yu na re ngu grai n gwi let sa mat wa re yang she e manang wa ye manang wa woi e an hkau ai mung dai ram ti she na sai wa ya dai ni gaw ngai nang hpe e nta de wa woi chyai mayu n ngai le ngu tsun ai da. Rai jang gaw woi mung aw re i she mai gaw ye wa chyai ga le ngu hkraw ya she woi wa re ai shaloi she oh hka kaba kaw e rap wa na matu woi gaw ma-un hpun ntsa kaw na yu re she hkanse ntsa de kap re lung jawn na hka kaba de rap wa sai da. Rap wa re ai shaloi gaw hkanse gaw grai myit yu ai da. Um um ngai nde de hkau ai ngai hte hkau dik ai manang re wa ngu she kaning wa di na kun ngu myit na she hka ka-ang de du mat wa ai shaloi gaw shi e hkau woi e ya ngai nang hpe nan de woi wa ai gaw nang jaw dat ai namsi nye madu jan hkanse nu hpe sa jaw sha yang wa grai mu ai nga na na salum hpe nye madu jan sha mayu ai da. Dai majaw ngai nang hpe nan de woi wa ai re ngu jang she woi gaw grai kajaw mat ai da. Rai tim shi gaw kajaw ai myit n rawng ai sha ga n ga ai sha aw re ni aw she mai gaw e ngu na she mai ai mai ai ngu tsun na she hkawm sai da. Kaji mi hkawm re na she e rai tim ngai naw nang hpe naw garum hpyi dik ga ya ngai gaw dai hpawt e nye salum hpe htaw ma-un hpun ntsa e ndu kaw noi kaw da ai re wa raw noi kau da re gaw dai naw wa gan la ra na rai nga ngai hpe aw hkakau de jahking mi naw wa gan sa da rit ngu aw ngu na she bai kayin mat wa kalang ta htang re na hkakau du wa ai shaloi kaw woi gaw kalang ta hkrin gau de tsap rap bai ginhkan lung mat na she hkau hkanse manang wa e nang daram mana ai gaw um salum hpe wa mi raw tawn kau da yang gaw gara hku na asak hkrung na law nang ram mana ai gaw kadai mung n nga sai gaw ngu na woi gaw dai kaw e shi salum nga ai ngu na woi ma-un hpun maling de sa mat wa da. Hkanse mung shi madu jan hpang de e hkan n lu woi wa ya sha gamang bai nhtang mat wa ai da.

Sources