Details

Latitude

25.234

Longitude

96.9165

Start Date

2017-02-24

End Date

2017-02-24

Kalang mi hta grai kam ja dik grai masu ja dik shu chyit langai mi nga ai da. Dai shu chyit dai hte gaw yu kasha langai mi gaw grai kam ja na hku nga shang lahkawng gaw manang rai ma ai da. Grai hkau ai manang rai re she yu kasha gaw maling kaw nga da shu chyit gaw hka nawng de nga she lani mi hta shanhte gaw tam sha hkawm mat yu kasha mung maling de tam sha hkawm re ai shaloi gaw dai sha ni gaw lusha hpa n lu tam sha re na jan du wa tim hpa mung n mu sha rai na grai kan si re na nga nga nga hkawm nga yang she Shu chyit mung hkaran kawng de lung na she shani tup hka kaw tam yu ai wa hpa mung n lu sha da law dai shani gaw sha hpa langai mi mung n mu re na shi mung kawng de lung na she shi grai hkau ai yu kasha kaw sa re na she dai ni gaw grai kan si ai ngai um yu kasha ndai hpe ngai lu sha yang gaw hkru na re ngu na myit myit kaw dai hku shi na myit kaw sha dai hku rawng re na she yu kasha hte shaga hkat re she e manang wa e ya an grai hkau hkat ai wa nang ngai kaw hkan nan rit le ngu she mai ai le ngu shi a hka kau de woi sa na she dai hka nawng hkungau kaw du ai shaloi she an lahkawng n garan ga n hka mat ga i ngu na tsun da. Dai na yu kasha hpe lagaw kaw mung grit shi lagaw kaw mung grit rai na she hka nawng de e htaw bang mat wa re shang lahkawng lup re shang mat wa rai jang she dai hka nawng kata kaw e shu gaw le hka nawng kata de shang jang gaw yu si jang shi ma hkra nawp sha kau nga myit kaw rawng re na hka nawng kata de woi dung bang mat wa rai jang gaw yu kasha gaw hka hkrit ai wa re hka kaw na ntsa de hprawng pru na re ngu na she hka hkungau de gan hkrai gan rai tim mung hkungau ntsa de nlu lung hkraw rai na dai hku na loi mi dap dap sha re na gan hkat taw nga da. Dai she shu mung gan shi mung gan re gan hkat taw nga she ntsa de na galang kaba gaw pyen nna she gawai hkawm nga da. Dai wa mung kansi na hku nga galang mung grai kansi re jang she pyen kayin hkawm mat wa re gaw dai hka nawng makau de du wa yang hka kaw wa mi she lim lim re ai zawn re lama mi waw ai zawn zawn re mu ai da. Rai na hka nawng nga ai de loi bai shani sa mat wa re ai shaloi gaw dai yu dai hkum hte gaw kaji mi lim n lim rai nna kra taw nga re da. Dai shaloi dai galang kaba dai gaw yu dai hpe she sa gan magra ahkye mat wa jang she shang lahkawng yu mung shu hpe n lu sha shu mung yu hpe n lu sha re re na shang lahkawng galang a ngup de shang mat ma ai da.

Sources