Details

Latitude

25.234

Longitude

96.9165

Start Date

2017-02-23

End Date

2017-02-23

Moi shawng de da hka u wa hka u langai mi da nadat pa kaw she nga wa she sa hta sha ai da. Dai nga wa she hta na she oh lamu de kabai dat na shi wa ngup de gachyang sha gachyang sha rai taw nga ai da. Re she dai gachyang nga taw ai hpe wa ma kasha langai mi ma langai mi mu ai da. Ma langai mi sa yu tsap taw nga i hka u oh ra wa nga wa lamu de gabai shalung na bai gachyang sha bai gachyang re gaw ngai mi di re garai byin mayu ai lo ngu na shi myit hta gaw dai hku myit shang sha sai da. Myit shang sha na shi mung shi na wa um kasi bai yu la sai da. Bai yu la re shi mung sha hpa hpe she lamu de gabai shalung na ngup hte gachyang sha gachyang sha di ai da. Dai hku di re she um sha hpa hpe chye sai sha hpa chye re she nan dai shingna duk ni hte bai gasup sai da. Shi shinna duk hpe gabai dat ngup hte gachyang la shinna duk hpe gabai dat ngup hte gachyang la dai mung chye sai da. Hpang ye gaw um nhtu ni hte bai kyi wa sai da shi bai galaw wa sai rai da rai bai shamang wa re nhtu hpe mung gabai shalung dat ngup hte gachyang la gabai shalung dat ngup hte gachyang la re dai hku shamang re she dai nhte hte byin re she hpang e nri hte bai shamang sai da. Nri hpe wa shalung dat bai gachyang la shalung dat bai gachyang la di na dai hku byin re ai hpang she um mare de wa di dang dai sai da shi gaw mare de wa di dan re she manang ni gaw maus ai da. Yi nang dai gara hku na chye la ai ngu tsun ai da. Dai she um shi wa ngai hkrai hkrai chye ai ngu na she tsun ai da. Ngai hkrai hkrai chye ai ngu nang nang hpe kadai sharin ra nye sara na sara kadai re ngu she tsun ai nye sara n nga ai ngai hkrai hkrai tsun ai ngu na shi gaw masu tsun na hku nga Grai rai gaw hpang jahtum anhte hpe pya yu u ngu na tsun ai da. Shi nang hkrai chye ai re yang dai hku galaw pya u ngu tsun she hpan re she lamu de nri wa shalung dat re she gachyang ai nga yang gaw ngup mahka dat ai shi ngup de hkyen re re si mat ai da. Shi hpa majaw galung si ai nga yang shi shi sara hpe malap kau ai majaw um dai hku galung si mat ai re da.

Sources