Details

Latitude

25.234

Longitude

96.9165

Start Date

2017-02-23

End Date

2017-02-23

Moi shawng de da hkugin hte kadawn ngu ai nga ai da. Shang yang wa manang hku na grai hkau ai re da. Dai she um kadawn wa gaw hkugin hpe wa e manang jan ngu na um ngai hte grai pyaw hkra gasup ga le ngu tsun ai da. Ngai gasup manang n lu ai ngu tsun ai da. Dai she ngai hte rau sha gasup ga le ngu sa tsun re she tsun ai da. Hkugin gaw bai tsun e manang jan e ngai gaw um lanam ta na matu shat tam ya ai re majaw gasup na ahkying aten n lu ai ngu tsun ai da. Dai she um ngai gaw lanam ta sha na matu lu sha tam ra ai ngu tsun ai da. Dai hku tsun re she shi gaw e n rai tim gasup ga law jahkring sha pi gasup ga law ngu na tsun ai da. Re she um kadawn wa gaw um nang n kam gasup jan gaw ngai wa gasup na re ngu shi hkrai wa na she shi hkrai wa gasup taw ai da. Chyai re she lani mi gaw lanam ta du wa ren she um hkugin gaw lu sha hkrai tam tam kahkrin tawn lusha tam law wa sai i nga yang dai maran mung lanam ta du wa sai da. Maran grai htu wa jang she dai shi hkugin wa gaw shi tam da ai malu masha hpe sha kahkyin da ti shi nhkun de shang mat wa ai da. Shang na rim re rawng taw ai da. Re she kadawn wa gaw um lu sha n tam pyaw hkrai pyaw taw nga ai maran e shi gaw lanam ta du yang shat hpa n sha mat ai da. Shat hpa n sha re she um hkugin hpang bai sa wa ai da. E jinghku manang e ngu na ngai hpe lusha kaji mi jaw sha rit ngu sa tsun ai da. Rai yang ngai lu sha tam nga yang nang gaw hpa rai na pyaw taw nga ai ngu bai tsun dat ai da. Shi hpe bai tsun re she um nang ngai lu sha tam ai shaloi nang ntam ai sha pyaw taw nga majaw rai nga ai le ngu tsun rai tim shi gaw um loi mi jaw dat ai da. Jaw dat shi hpang e aw ngai ndai hku pyaw taw yang lu sha ni n lu mat ai hka n mai ai hka ngu na dai shani gaw myit malai lu mat ai da.

Sources