Details

Latitude

25.234

Longitude

96.9165

Start Date

2017-02-23

End Date

2017-02-23

Moi kalang mi hta da mare hkawhkam wang kaba langai nga ai da. Dai hkawhkam wang kaw na i dai hkawhkam kasha wa gaw da i dai hkawhkam kasha re ai majaw dan re i oh ra hpang le i hkawhkam wa na shara kaw bai dung ra re ai majaw shi gaw da i hpaji wa sharing sa mat ai da. Mare grai tsan ai de hpaji sa sharing sa mat ai da. Dai shaloi she dai shi hpe hpaji sharing ra ai dai um dai shi na sara kaw i shi hpe shi hpe i grai sharing ya ai da. Dai shaloi shi gaw lani mi ten hta dai de sa hpaji sa sharing ti na dai mahkau hkan ni wam hkawm ai shaloi dinggai langai gaw chyinnam lam da ai da. Chyinam lam da re ai shaloi shi gaw e chyinnam hpe shawng n nan yi gaw i oh ra kaji mi shawng hta sha yu ai da. Dai shaloi mu na she shi gaw hpang kalang bai hta sha she hta sha hpang kalang bai dai hku bai wam hkawm ai shaloi bai hta sha hta sha re na masum lang nga rai na shaloi gaw i dai dinggai wa gaw pawt mayu wa na da dai shi na sara hpe tsun ai da i um nang nang jawng ma gaw da i ngai na chyinnam hkrai wa galu sha grai na sai da i masum lang mali rai sai um na na jawng ma hpe nang sharing la u ngu tsun ai da. Dai shaloi she i shi mung sharing la na hpa n ra ai ya na n lagu sa yang na du hkra sharing la na yaw ngu tsun na dai dinggai wa hpe dai hku ga sadi jaw ai da. Dai na shi gaw da i dai shi na jawng ma hpe i masum lang adup ai da. Dai she shi na jawng ma hpe masum lang adup ai shaloi she dai hkawhkam kasha wa gaw i shi gaw grai pawt mayu ai da. Ngai ram ram hkawhkam kasha hpe pi naw ngwi adup ai i ngwi adup ai sara ndai gaw i grai n kaja ai ya ngai lama na wa na hkawhkam byin wa ai shaloi da i ngai nang hpe sat na ngu na shi gaw myit kaw dai hku myit di na dai hku nga ai shaloi shi mung i hpaji ni mung grai hkum wa na she shi hkawhkam wang de wa re ai shaloi shi kawa mung i si mat na shi mung shi kawa na shara hkawhkam kaw bai dung ai da. Hkawhkam ting yan kaw bai dung na shi gaw hkawhkam tai taw ai da. Dai shaloi she da i shi gaw hkawhkam tai na ai shaloi shi shi sara hpe i shi hpe kayet ai majaw sat na ngu na dai myit ai shi gaw bai yaw wa na she i um shi sara hpe i oh ra na ni grai law hkra she wa shaga la shangu ai da. Wa shaga la shangu ai i wa shaga la shangu ai da. Dai shaloi she um htaw shi sara gaw dai ra na ni du ai hte nang hpe da i anhte na hkawhkam wa gaw da i shaga dat ai da kumhpa ni grai shagrau na matu shaga dat ai ngu dai hku tsun ai da. Dai shaloi dai sara wa mung i um shaga dat ai shaga dat ai gaw n re ai na re ngai hpe sat mayu na rai na re ngai ngai moi masum lang adup da ai majaw rai na re ngu na shi gaw dai hku myit tim mung ndai wa hpe gaw sharing shaga ra sai n sharing shaga yang gaw hkawhkam hkawhkam ndai hkawhkam mungdan gaw ngwi pyaw na n re sai ndai hku myit sha rawng nga yang gaw ngu na shi gaw i hkan nan mat wa ai da. Hkan nan na she htaw dai kaw shanhte na hkawhkam wang kaw du re ai shaloi hkawhkam kasha wa gaw i nang hpe i ngai kumhpa jaw na ngu shaga ai n re da i nang hpe ngai sat na ngu na shaga ai she re ngai hkawhkam nbyin shi yang da i nang ngai hpe masum lang adup ai ngai i ya ngai hkawhkam byin sai dai majaw na gaw ngai bai sat na ngu dai hku tsun ai da. Dai hku tsun ai shaloi she da i dai sara wa gaw i tsun ai da. Nang ngai hpe n sat shi yang nang hpe ngai lama mi tsun na i nang da i ngai hpe sat yang gaw rai sai le i rai tim mung da i nang la ma na moi na zawn re myit sha rawng nga yang i mung masha langai mi dai hku lama ma byin ai rai tim nang shi hpe mara nlu dat ya na ra ai i hkawhkam ngu ai myit gaw i dai re i mung shawa ni a tsa hta le i grai myit galu kaba ra ai ngu dai hku tsun ai da. Dai hku tsun ai shaloi she hkawhkam wa gaw i nang tsun ai n jaw ai ngu tsun ai shaloi htaw makau kaw na i ra na ni gaw tsun ai da. Hkawhkam wa e shi tsun ai mung jaw ai ngu dai hku tsun ai da i dai she kade lang njaw ai ngu tsun tim oh ra gaw i grai nan grai nan i grai lawm hkra dai sara wa na maga de grai lawm hkra dai hku tsun ya ai majaw hkawhkam kasha wa mung aw rai nga hka dai hku rai ra ai i ya gaw hkawhkam langai byin wa sai re majaw kaja ai akyan lai ra sai ngu na shi sara hpe i ngai hpe sharing shaga ai majaw grai chyeju dum ai ngu na shi na kawa aya kaw mung tawn na she shi na madu jan kasha ni hpe mung shaga la re na shi ndai hkawhkam wang kaw pyaw pyaw nga shangu kau ai da.

Sources