Details

Latitude

25.234

Longitude

96.9165

Start Date

2017-02-23

End Date

2017-02-23

Moi shawng ye da ndai jahkrai ma ngu langai nga ai da. Jahkrai ma gaw da shi gaw ndai hpun hta hpa sa dai hku nga hkawm re she oh nam kaw hkrum ai da. Dai nat shabrang hte hkrum re she shi gaw shang lahkawng gaw ndai hku jahta hkat moi gaw dai hku mai jahta ai da. Ndai hpun kawa ndai htum ni ndai chyinhka ni ndai mam htu ai baw htum ni e dan re ni ga yawng chye shaga ai da. Dai ten hta she dai hku ga chye shaga ten hta da rai yang shi gaw shang lahkawng gaw dai hku jahta hkat re she um shang kanu ni gaw ndai nat re ai majaw re she myit n hkrum ai da. Nat hpe gaw n kam jaw sha ai ngu tsun ai da. Nkam jaw sha re she kasha ni gaw dai hku nam hkan dai hku sa na sa jahta hkat dai hku nga taw ai da. Dai hku nga taw re she shi gaw oh nam de dai majaw jahkrai ma gaw kanu ni myit n hkrum jang gaw shi mung dai hku grai gaw grai tsawra ai da. Grai tsawra re she sa nga taw she kanu myit n hkrum yang she nta kaw wa yup nta kaw bai wa ai da. Re she ndai nta langai mi kaw she mahkawn shabrang ni grai law hkra yup ai da. Dai nta langai mi kaw mahkawn shabrang grai law hkra yup yang she oh ra num kasha gaw nat dingla hpe sa shaga yang she shi gaw shi gaw ndai kanu ni myit n hkrum re she shi mung myit gaw shi gaw nau myit nau n hkawng na hku nga. Re she nat dingla shi hpe grai ra ai da si hkra nan ra ai da. Si hkra ra re she n mai byin ai nang hte ngai gaw n mai byin ai ngai gaw da nye nu yan nye wa jaw sha ai kaw she wa sa na ngu tsun ai da. Dai majaw she nang n hkraw tim ngai gaw lu hkra la na ngu dai hku ngu tsun yang she shi gaw dai hku tsun ai da. Dai hku tsun yang she shi shang lahkawng jahta hkat na she nhtoi htoi wa mahka she wa yup ai da. Nhtoi htoi she wa yup re she num kasha wa oh nam kaw na wa yup re la kasha gaw hkan ai da dai na gaw da nang hpe n lu yang n lu la yang lu la hkra ngu dai hku ngu myit ai da. Dai hku tsun ai da rai she shi gaw kanu ni yup nga mahkawn shabrang ni grai law hkra sa dam na dai shana gaw kanu ni na dai shi sa yup ai da. Sa yup re she shi gaw nan hku da dai makau kaw shi mung ga-an kaw nan wa shang yup ai da. Ga-an kaw nan wa shang yup re she dai nat nat dingla wa gaw sa wa sai ndai ndai dai nam de shawng ya ndai kaw da ndai mahkawng kasha grai tsawm ai wa n lai wa i ngu tsun she lai wa ai ngu tsun ai da. Rai na she ndai htum htum hpe mung san ai da. Htum hpe mung san re she htum e ndai kaw num grai tsawm ai mahkawn n lai wa i ngu tsun yang she lai wa ai ngu tsun ai da. Rai she chyinhka kaw mung bai wa san ai da. Chyinhka kaw mung bai wa san yang she ndai kaw grai tsawm ai mahkawn n lai wa i ngu tsun ai da. Dai hku ngu tsun yang she shi lai wa ai ngu she shi gaw wa masawp hkawm sai da. Ndai gara gaw katsi ai gara gaw kahtet ai katsi kahtet katsi kahtet ngu dai hku ngu wa masawp lu ai da. Wa masawp la re she shi gaw wa masawp la na she um ndai wa ndai wa katsi re nga ai ngu na she dai e dai jahkrai kasha ndai num kasha hpe wa garawt sha mat wa ai da. Dai majaw ndai moi gaw ndai nat ni hte sumtsaw mai byin ai da. Sumtsaw byin yang gaw dai hku si hkrum wa ai da.

Sources