Details

Latitude

25.234

Longitude

96.9165

Start Date

2017-02-23

End Date

2017-02-23

Moi shawng ye da ndai anhte shinggyin masha ni hpa n chye ai prat kaw na re ndai hpa n chye ai prat kaw na she pra wa ai shaloi da ndai mam ngu ai hpe gaw dai shaloi gaw ndai nga ni jahkyi ni dumsu ndai ndai wa ni i dusat dumyen ni grai n nga shi ai da. Grai n nga shi ai shaloi ndai she anhte shinggyin masha gaw ndai shat hpe mung n gu hpe mung shat shadu sha simai hpe mung shat shadu ndai jap du du sha ai hpe mung shat hte galaw sha ai da. Dai hku sha galaw re she ndai oh gasan ga kaw na she nanhte shinggyin masha ni gaw ngai na ngai na mam hpe ndai shat mung shatai jahtu mung shatai simai mung shatai dai hku di ai da. Dai hku di re she ndai nanhte hpe n jaw sai ndai ngai na mam she bai dawm la sa na ngu tsun ai da. Dai hku bai dawm la sa na ngu tsun yang she gwi gaw gwi gaw nan hku bai hpyi shawn ai da. E e gasan ga ni e da ngai ye gaw da shat sha pi naw jaw sha mi ngai sha na sha pi naw ngam ya mi ngu dai hku hpyi nem ai da. Hpyi nem yang she ndai gasan ga kaw na she re gaw nang na matu sha yaw ngu na she dai mam langai sha jaw ai da. Ndai mam langai sha ndai sha na wa nga yaw ngu na tsun ai da. Dai majaw ndai dai hku ngu tsun ai she e ngu tsun ai da. Rai yang she dai kaw na she e ngu tsun yang she shanhte gaw myit yu sai da. Arr ndai shinggyin masha ni hpe ndai mam langai sha jaw dat ai ngu tsun ai da. Re she dai kaw na she um bai hkai re she dai kaw na dai mam wa hpyi ai shaloi nan hku ngu tsun dat ai da. Nang hte da ngai simai sha na matu gaw ngai nli jaw dat na yaw aw chye shamang jaw dat na ngu da. Um ndai dusat dumyen ni hpe mung ndai ndai nga she nan hku ngu tsun ai da. Nga ma ndai dusat dumyen she nan hku ngu tsun ai da. Katsu shawng tsun ai da. Jahkan ndai nga she nan hku da mai ai da gasan ga e da gasan ga kaw du yang she nga gaw nan hku da ngai gaw da nga re da rai tim mung da nanhte shinggyin masha ni e sha na matu nga tai ya na yaw ngai simai tai ya na ngu tsun ai da. Dai jahkan mung tsun ai da nanhte shinggyin masha ni e ndai ngai hpe sha na matu da ngai jahkan ma ngai asak ma dawdan ya na ngai ma ngai hpe mung simai shatai rit dai hku ngu tsun ai da. Rai yang she ndai u ni ma u ni ma nan hku tsun ai da. Ngai ngai ma da um nanhte shinggyin masha ni e ndai shinggyin masha ni na matu ma da ngai ye ma simai shatai ya rit ngu dai hku ngu wa hpyi nem ai da. Rai yang she ndai ndai jahkyi shan nga ni ma dai hku sha tsun ai da. Dai majaw gaw dai shani kaw na ndai anhte shinggyin masha ni gaw ndai simai gaw simai kaga shat gaw shat kaga dai hku byin mat wa ai da. Mau mwi gaw ndai kaw ngut sai.

Sources